අද (02) සවස 6.00 සිට සඳුදා (04) අලුයම 6.00 දක්වා රට පුරා ඇඳිරිනීතිය පැනවූ බව රජය නිවේදනය කර සිටියි.
ඊයේ රාත්‍රී ගෝඨාභය රාජපක්ෂ ජනාධිපතිවරයා අති විශේෂ ගැසට් නිවේදනයක් නිකුත්කරමින් හදිසි නීතිය ද පැනවූයේය.
හෙට දිවයින පුරා බොහෝ නගරවල දේශපාලන මෙහෙයවීමකින් තොරව ජනතා උද්ඝෝෂණ මාලාවක් සංවිධානය වෙමින් තිබූ අතර එම උද්ඝෝෂණ සඳහා නායකත්වයක් හෝ මෙහෙයවන්නකු පිළිබඳ අනාවරණයක් නොවූව ද රටේ අතිවිශාල ජනතාවක් ඒ උද්ඝෝෂණයට සහභාගීවන බව සමාජ මාධ්‍ය ඔස්සේ ප්‍රචාරය වෙමින් තිබිණි.
මෙවැන් තත්වයක් මත හදිසි නීතිය පැනවූ රජය ඇඳිරිනීතිය ද පනවා තිබේ.
