ඉන්දියාවේ ආගමික ස්ථානයක ඇතිවූ තෙරපීමකින් පුද්ගලයන් 12 දෙනකු ජීවිතක්ෂයට පත්ව තවත් කිහිපදෙනකු තුවාල ලබා තිබේ.
කාශ්මීරයේ, ඉන්දියාව විසින් පාලනය කරන ප්‍රදේශයේ පිහිටි මාතා වෛෂ්ණෝ දේවි සිද්ධස්ථානය නැරඹීමට යමින් සිටි පිරිසක් මෙම අනතුරට මුහුණපා ඇත. සාමාන්‍යයෙන් දිනකට දස දහස් සංඛ්‍යාත ජනතාවක් මෙම සිද්ධස්ථානයට පැමිණෙන අතර, නිවාඩු කාලය නිසා සංචාරකයන් වැඩිපුර පැමිණ තිබේ.
ජ්‍යෙෂ්ඨ පොලිස් නිලධාරියෙකුට පැවසූයේ, තෙරපීම හේතුවෙන් පුද්ගලයින් 14 දෙනෙකු තුවාල ලබා ඇති අතර, ඔවුන් සියලු දෙනාම රෝහල් ගත කර ඇති බවයි.
කට්රා නගරය ආසන්නයේ පිහිටා ඇති මෙම සිද්ධස්ථානය ඉන්දියාවේ වඩාත්ම ගෞරවනීය වන්දනා ස්ථාන අතරින් එකකි. කෙසේවුවද වසංගතය හේතුවෙන් අමුත්තන් සංඛ්‍යාව 25,000 කට පමණ සීමා කර තිබිණ.
හිමිදිරි පාන්දර සිදුවූ මෙම තෙරපීම ඇති වීමට හේතුව තවමත් පැහැදිලි නැත, නමුත් ඇසින් දුටු සාක්ෂිකරුවන් කියා සිටියේ එම ස්ථානයේ සෙනග නිසි ලෙස කළමනාකරණය කර නොමැති බවයි.
සිද්ධිය සම්බන්ධයෙන් පරීක්ෂණයක් ආරම්භ කර ඇත.
