“කොළඹට පැමිණීම හැකිතාක් සීමා කරන්න” – නගරාධිපතිනි රෝසි සේනානායක

පුවත්

රැහේ රැජිනට අහිමි වූ අවමංගල සිරිත්

ආදි මානවයාගේ සිට නූතන මානව වර්ගයා දක්වා වසර දහස් ගණනක් තිස්සේ විවිධ සංස්කෘතීන් හා සභ්‍යත්වයන් පසුකරගෙන ආ අප වර්තමානය වනවිට නූතන තාක්ෂණයට...

ශ්‍රී ලංකා ක්‍රීඩක දිනේෂ් ලෝක වාර්තාවක් සමඟ පැරාඔලිම්පික් රන් පදක්කමක් දිනා ගනී

පැරාඔලිම්පික් තරඟාවලියක ශ්‍රී ලංකාවට හිමිවූ ප්‍රථම රන් පදක්කම ලෝක වාර්තාවක් ද තබමින් හිමිකරගැනීමට දිනේෂ් ප්‍රියන්ත අද සමත්වූයේය. ඔහු මේ...

පරාක්‍රම සමුද්‍රය රැකගන්න මහා සංඝයා පෙරට එති

පොළොන්නරුවේ පරාක්‍රම සමුද්‍රයේ රළපනාවේ ගල් ඉවත්කර ඒ මතින් ඇවිදින මංතීරුවක් සෑදීමේ ව්‍යාපෘතියට එරෙහිව මහා සංඝරත්නය අද (27) එහි වැඩමකර එම ව්‍යාපෘතිය නවතා...

කටින් බතල හිටවීම දැක තිබේ ද ? ශ්‍රී ලංකාව Lockdown

කොරෝනා වසංගතය වේගයෙන් ම පැතිරය යන රටවල් අතර ඉහළින්ම වැ‍ජඹෙන සහ ලොව වැඩිම කොරොනා මරණ අනුපාතයක් වාර්තාවන රට බවට පත්ව ඇති ශ්‍රී...

විදෙස්

ඉතාමත් අත්‍යාවශ්‍ය ම කරුණකට හැර කොළඹ නගරයට පැමිණීමෙන් වළකින ලෙසත්, හැකිතාක් නිවෙස්වලටම වී සිටින ලෙසත් කොළඹ මහ නගර සභාවේ නගරාධිපති රෝසි සේනානායක මහත්මිය කොළඹ පදිංචි ජනතාවගෙන් සහ දෛනිකව කොළඹට පැමිණෙන පිටපළාත්වල ජනතාවගෙන් ඉල්ලා සිටියි.

විශේෂ මාධ්‍ය නිවේදනයක් නිකුත් කරමින් නගරාධිපතිනිය මේ බව ප්‍රකාශ කර තිබේ.

ඇය පවසන්නේ මේ වනවිට කොළඹ නගර පුරා කොරෝනා වයිරසය ඉතාමත් වේගයෙන් ව්‍යාප්ත වී සෑම ප්‍රදේශයකින්ම ආසාදිතයන් වාර්තාවන බවයි. කොළඹ නගරයේ ව්‍යාපාරික ස්ථානවලින් පවා කොරෝනා ආසාදිතයන් වාර්තා වී ඇති අතර දිනකට කොරෝනා ආසාදිතයන් ඉතාමත් විශාල පිරිසක් මියයන බව ද ඇය පෙන්වා දෙයි.

නගරාධිපතිනි රෝසි සේනානායක මහත්මිය වැඩිදුරටත් මෙසේ ද කීවාය.

“ජනාධිපතිතුමාගේ උපදෙස් මත කොරෝනා මර්ධන කමිටුව ප්‍රධානව සෞඛ්‍ය අංශයේ සෑම දෙනෙක්ම දැන් වසරකට වැඩි කාලයක් පුරා කොරෝනා මර්ධනයට ඉතාමත් විශාල මෙහෙවරක නියැලී සිටිනවා. නමුත් මේ වනවිට අපි ගමන් කරමින් සිටින්නේ ඉතිහාසයේ කවදාවත් නොදැකපු නොසිතපු තරම් භයානක තත්වයකට. දිනෙන් දින රට පුරාම, විශේෂයෙන් ම කොළඹ නගරයෙන් වාර්තාවන කොරෝනා ආසාදිතයන් සංඛ්‍යාවත් සිදුවන මරණ සංඛ්‍යාවත් වැඩි වෙමින් පවතිනවා. දැනට මාස කිහිපයකට පෙර දිනකට වාර්තා වූ මරණ සංඛ්‍යාවට වඩා වැඩි මරණ සඛ්‍යාවක් දැන් පැයක දී සිදුවන බව පෙනෙන්නට තිබෙනවා. මෙය ඉතාමත් දරුණු තත්වයක්. මෙය පාලනය කරන්න පුළුවන් වෙන්නේ සෞඛ්‍ය ආරක්ෂිත ක්‍රම අනුගමනය කිරීමෙන් පමණක් බව සෞඛ්‍ය අංශ දිගින් දිගටම පවසනවා. ඒ නිසා මම කොළඹ පදිංචි සියලුම දෙනාගෙන් කාරුණිකව ඉල්ලා සිටිනවා නිවෙස්වලට ම වී සිටින්න. ඒ වගේම කොළඹ නගරයට දිනකට පැමිණෙන ලක්ෂ සංඛ්‍යාත පිරිසගෙන් ඉල්ලා සිටිනවා අත්‍යාවශ්‍යම කාරණයකට හැර කොළඹට එන්න එපා. ඔබ කොළඹට එනවා කියන්නේ දැඩි ජීවිත අවදානමකට ලක්වීමක්. ඒ නිසා කොළඹට එන්න පෙර එක්වරක්, දෙවරක් නොවෙයි කිහිප වරක්ම හිතන්න මා මේ සඳහා යා යුතු ද ? මට මේ කාර්යය කරගන්න වෙනත් ක්‍රමයක් නැද්ද ? මම කොළඹ ගියොත් මගේ දරුවන්ට, මගේ අම්මා තාත්තට කොරෝනා බෝවිය හැකියි නේද ? යන කරුණු නැවත නැවතත් හිතන්න. ඔබේ සේවා ස්ථානය තිබෙන්නේ කොළඹ නම් සේවා ස්ථානයේ ප්‍රධානියා සමඟ සාකච්ඡා කරන්න. නිවසේ සිට වැඩ කිරීමට කටයුතු යොදාගන්න.”

මේ අතර රෝසි සේනානායක මහත්මිය පවසන්නේ කොළඹ නගර සීමාවේ සෑම ප්‍රදේශයකින් ම කොරෝනා ආසාදිතයන් වාර්තාවී ඇති අතර ව්‍යාපාරික හා සේවා ස්ථාන රැසක ද ආසාදියන් වාර්තා වී ඇති බවයි.

අත්‍යාවශ්‍ය සේවාවන් සහ සැපයුම් අඛණ්ඩව පවත්වාගන යාමෙ අවශ්‍යතාව හේතුවෙන් රට විවෘතව තබා පළාත් අතර දැඩි සංචරණ සීමා පනවා ඇති නමුත් දිස්ත්‍රික්කය තුළ සහ නගර සභා බලප්‍රදේශයේ සංචරණ සීමා නැතැයි සිතා නිවසින් බැහැරව ගමන් කිරීම නොකරන ලෙස ද ඇය කොළඹ පදිංචිකරුවන්ගෙන් සහ කොළඹට පැමිණෙන සියලු දෙනාගෙන් වැඩිදුරටත් ඉල්ලා සිටියි.

“මේ වනවිට වෛද්‍ය විශේෂඥයන් වසනවා දැනට ශ්‍රී ලංකාවේ පැතිරයන කොරෝනා ඩෙල්ටා ප්‍රභේදය තත්පර 15ක් වැනි ඉතාමත් කෙටි කාලයක දී පුද්ගලයකුගෙන් තවත් පුද්ගලකුට බෝවෙන්න පුළුවන් කියා. මුල් අවස්ථාවේ තිබූ වයිරස ප්‍රභේදය ආසාදනයවීමට විනාඩි 10ක් පමණ ගියා. එයින්ම පැහැදිලි වෙනවා මේ වනවිට අපි කොතරම් භයානක අවස්ථාවකට එළඹිලා සිටිනවා ද කියා. මේ නිසා මම ඉතාමත් ඕනෑකමින් කාරුණිකව සියලුම දෙනාගෙන් ඉල්ලා සිටින්නේ කොහේවත් යන්න එපා. ගෙරටම වෙලා ඉන්න. කොළඹට එන්න එපා. කොළඹ තත්වය ඉතාමත් දරුණුයි. අපි අපේ කොළඹ මහ නගර සභාවේ මහජන සෞඛ්‍ය දෙපාර්තමේන්තුව දැන් වසරකට වැඩි කාලයක් පැය 24ම වෙහෙසෙමින් මේ වසංගතය පාලනය කිරීමට කටයුතු කරනවා. අපේ සෞඛ්‍ය අංශවලට ඊට ශක්තිය තිබෙනවා. නමුත් අවශ්‍ය වන්නේ ඔබේ සහයෝගය. මේ දරුණු වසංගතය පාලනය කිරීමටනම් සෞඛ්‍ය අංශ කොතරම් වෙහෙස වුණත් ඔබ සෞඛ්‍ය උපදෙස් පිළිපදින්නේ නැතිනම් එය පාලනය කළ නොහැකියි. නිවසේ හොඳින් නිරෝගීව සිටින ඔබ ගෙදරින් එළිය බහිනවා කියන්නේ, නැතිනම් වෙනත් ස්ථානයක සිට කොළඹ නගරයට පැමිණෙනවා කියන්නේ ඔබ බොහෝ විට කොරෝන වයිරසය සමඟ නැවත නිවසට යනවා කියන එකයි.”

කොළඹ නගරයෙන් කොරෝනා ආසාදිතයන් විශාල වශයෙන් වාර්තාවීම හේතුවෙන් මේ වනවිට අතිවිශාල පිරිසක් නිරෝධායනය සඳහා යොමුකිරීමට සිදුව ඇති බව ද නගරාධිපතිය පෙන්වාදෙයි. රෝහල්ගත කිරීමට සිදුවන ආසාදිතයන් අතරින් වැඩි පිරිසක් දරුණු රෝග ලක්ෂණ පෙන්වීම හේතුවෙන් ඔවුන්ට ශ්වසන ආධාරක ලබාදීමට ද සිදුව ඇති බව ද ඇය පවසයි.

මේ වනවිට රෝහල්වල මෙන්ම නිවෙස්වල ද කොරෝනා ආසාදිතව මියයන සංඛ්‍යාව වෙන කවරදාටත් වඩා ඉහළ ගොස් ඇත. මෙම භයානක තත්වය තේරුම්ගෙන තමන්ගේ ජීවිතයත් තම ආදරණීයයන්ගේ ජීවිතයත් ආරක්ෂා කරගැනීම සඳහා නිවසේම රැඳී සිටින ලෙස ඇය අවධාරණය කරන්නේ තවදුරටත් වසංගතය පාලනය කිරීමට ජනතා සහයෝගය දැඩිව අවශ්‍ය බව පවසමිනි.

එමෙන්ම මෙතෙක් කොරෝනා මර්ධන එන්නත ලබානොගත් කවරකු හෝ සිටින්නේ නම් හැකි ඉක්මණින් එන්නත ලබාගන්නා ලෙසත් එන්නත ලබාගත් පමණින් කොරෝනාවලින් සුරක්ෂිත වේයැයි නොසිතා සෞඛ්‍ය මාර්ගෝපදේශ අනුගමනය කරන ලෙසත් නගරාධිපතිනිය පවසයි.

ඇය පහත සඳහන් කරුණු කෙරෙහි සියලු දෙනාගේ අවධානය යොමුකර තිබේ.

  • අත්‍යාවශ්‍යම කරුණකට හැර නිවසින් බැහැරව නොයන්න. නිවසින් බැහැරව යන්නේ නම් සෑඹ විටම හොඳින් ගැලපෙන මුඛ ආරවණයක් හෝ ආවරණ දෙකක් පැළද සිටින්න. කිසිදු අවස්ථාවවක එම මුඛ ආවරණය ඉවත් නොකරන්න. (ඩෙල්ටා ප්‍රභේදය ශරීරගතවීමට තත්පර 05ක කාලයක් ප්‍රමාණවත්ය)
  • සෑම අවස්ථාවක දී ම සමාජ දුරස්ථභාවය පවත්වාගෙන යන්න
  • ඔබට යම් සේවාවක් ලබාගැනීමට අවශ්‍යනම් එය හැකිතාක් ඔන්ලයින් ක්‍රමයට ලබාගැනීමට උත්සාහ ගන්න. (කොළඹ නගර සභාවට අදාළ බොහෝ සේවා ඔන්ලයින් ක්‍රමයට ලබාගැනීමට හැකියාව සළසා ඇත)
  • අත්‍යාවශ්‍යම කරුණකට ඔබ නිවසින් බැහැරව යන්නේ නම් නිවසින් පිටත ගත කරන කාලය හැකිතාක් අවම කරගන්න
  • කිසිදු අමුත්තෙකුට අත්‍යාවශ්‍යම අවස්ථාවක දී හැර ඔබේ නිවසට පැමිණීමට ඉඩ නොදෙන්න
  • රජය විසින්, අත්‍යාවශ්‍ය සේවාවන් සීමිත ප්‍රමාණයක් පවත්වාගෙන යාමට අවසර ලබා දී ඇති බව ඔබ දන්නා කරුණකි. මෙම අවස්ථාවෙන් ප්‍රයෝජන ගෙන වෙනත් කිසිදු කාර්යයක නියැළීමෙන් වළකින ලෙස ද ඉල්ලා සිටිමි.
  • ආපනශාලා, හෝටල්, වෙළඳ සැල් සහ සුපිරි වෙළෙඳ සැල්වල ඇතුළු ව්‍යාපරික ස්ථාන සහ ඒවායේ ඉඩ පහසුකම් පිළිබඳ සැළකිලිමත්වන්න. එම ස්ථාන සියල්ලේම සමාජ දුරස්ථභාවය ගැන සැළකිලිමත්වීම, පැමිණෙන අයගේ තොරතුරු තබාගැනීම සහ ඔවුන්ගේ උෂ්ණත්වය පරීක්ෂාකිරීම අත්‍යාවශ්‍යම අතර සෑම විටම දෑත් පිරිසිදුකර මුඛ ආවරණ සහිතව පැමිණෙන අය පමණක් එම ස්ථානයන්ට ඇතුළුකරගැනීමට වගබලා ගත යුතුය. එක් අයකු හෝ මේ පියවර අනුගමනය නොකළ හොත් හෝ නෙසළකා හැරයහොත් සමාජ වගකීම පැහැර හරිනවා පමණක් නොව තවත් කිහිප දෙනකුගේ ජීවිත ද අවදානමේ දමනු ඇත.
  • සෑම අවස්ථාවක දී ම ඔබේ රැකියාව කරගෙන යාම ද නිවසේ සිටිමින් සිදුකරන්නේ නම් එය වඩාත් සුුදුසු වනු ඇත. නමුත් ඔබ කාර්යාලයට හෝ සේවා ස්ථානයට යාම අත්‍යාවශ්‍යම නම් ඒ සඳහා සෞඛ්‍ය ආරක්ෂිත ක්‍රමවේද අනුගමනය කරමින් සුරක්ෂිතව ගමන් කරන ලෙසත් ඉල්ලා සිටින අතර ඔබේ සේවා ස්ථානයේ සේවක සේවිකාවන් හැකිතාක් නිවසේ සිට සේවය කරන ලෙස දිරිමත් කරන්න යැයි ද ඔවුන්ගේ ආරක්ෂාව සහතික කරමින් සේවා මුර ක්‍රමයට අවම සේවක සේවිකාවන් පිරිසක් සේවයට කැඳවන ලෙසත් ආයතන ප්‍රධානීන්ගෙන් ඉල්ලා සිටිමි.
  • මෙම වසංගත කාලයේ දී රැකියාවට යාමට නොහැකි වුවහොත් තම රැකියාව අහිමිවී යනු ඇතැයි සිතමින් ඇතැම් සේවක සේවිකාවන් අනවශ්‍ය අවදානම් දැරීමට කටයුතු කරන බව ද අපට නිරීක්ෂණය වී තිබේ. මේ නිසා ඔවුන්ට එවැනි එවැනි හැඟීමක් ඇති නොවන ආකාරයෙන් ඔවුන්ගේ සේවා පරිසරය සුරක්ෂිත කිරීම සේවා යෝජකයන්ගේ වගකීම වන බව ද මේ අවස්ථාවේ සිහිපත් කරන්නෙමු.

“නැවත වරක් මම කොළඹ පදිංචි සහ කොළඹට පැමිණෙන ඔබ සමගෙනුත් ව්‍යාපාරික ආයතනවලිනුත් ඉල්ලා සිටින්නේ දැනට පවතින සෞඛ්‍ය මාර්ගෝපදේශ දැඩි ලෙස පිළිපදින ලෙසයි. මේ සඳහා කළ යුතු වන්නේ සෞඛ්‍ය අමාත්‍යාංශයෙන් නිකුත් කර ඇති නිල මාර්ගෝපදේශ පදනමක් ලෙස ගෙන තමන්ගේ සහ තම සමීපතමයන්ගේ ආරක්ෂාව සහතික කරලීම සඳහා ඊටත් වඩා දැඩි ආරක්ෂිත ක්‍රම ඔබ සැම විසින් අනුගමනය කළ යුතු බවයි. අපි මීට පෙර කිසිදු දිනක අත් නොදුටු අතිශය භයංකාර අත්දැකීමක් වෙත ගමන් කරමින් සිටින්නෙමු. තත්වය තවදුරටත් දරුණු වීමට කිසිසේත්ම ඉඩදිය නොහැක. දැනටමත් එය අප දැඩි අපහසුතාවකට පත්කර ඇතත් මෙය තාවකාලික ගැටලුවක් බවත් සාමූහිකව එකාවන්ව දැඩි සෞඛ්‍ය මාර්ගෝපදේශ පිළිපදිමින් මේ භියකරු අවස්ථාව පරාජය කිරීමට වගකීමෙන් හා පරාර්ථකාමීව කටයුතු කරමු.”

1 COMMENT

  1. දැන් සියලු දේම පරක්කුයි අප්පිරියෙල් වල සිටම දැඩි අවදානමක් ඇති බව විශේසඥ වෛද්ය වරු මහජන පරීෂකවරු කියූ දේවල්
    කණකට නොගත් පාලකයෝ අද නිදිවදිති ලංකාවේ බාගෙට බාගයක් වත් ඉතිරි වූවොත් තමා පුදුමේ දැන් තවමත් ඇගලුම් කර්මාන්ත වල ලමුන් වැඩ කරති උන්ගේ වගකීම පාලකයෝ නොගන්නා බවයි උන් සීත කාමරවල සිට පනත් ගැසට් එලිදක්වයි අද මැරෙන්නේ බල්ලෝ බළල්ලු නොව තාත්ත අම්ම සහෝදර සහෝදරියෝය දූ පුතුන්ය අධම මුග්ධ පාලකයිනි තොපි මේ කල අපරාධයට පරම්පරා හතකටම හෙණ

ඔබේ අදහස් දක්වන්න.

Latest articles

ඒලියන්ත වයිට් මිත්‍යාව මිත්‍යාවක්ම බව සනාථ කරමින් කොරෝන සෑදී මරුට

අධ්‍යාත්මික ශක්තියෙන් හා කුණ්ඩලීනු යෝගයෙන් තමන්ට කොරෝනා සුව කළ හැකි බව පැවසූ ඒලියන්ත වයිට් කොරෝනා ආසාදිතව අද (22) මියගිය බව සෞඛ්‍ය අංශ...

කොටස් වෙළෙඳ පොළ දින කිහිපයකට පසු සුළු වර්ධනයක් පෙන්වයි

කොළඹ කොටස් වෙළෙඳ පොළ අද (22) දිනයේ ගනුදෙනු 18,850ක් වාර්තා කරමින් දෛනික පිරිවැටුම රුපියල් මිලියන 2,560ක් ලෙස සටහන් විය.

පොත් අළෙවි සැල් විවෘතකිරීමට පොලිස්පති අවසර ඉල්ලයි

නි‍රෝධායන ඇඳිරිනීතිය ක්‍රියාත්මක වන කාලයේ දී පොත් අළෙවි සැල් විවෘත කිරීමට අවසර දෙන ලෙස පොලිපතිවරයා විසින් සෞඛ්‍ය සේවා අධ්‍යක්ෂ ජනරාල්වරයාගෙන් ඉල්ලීක් කර...

ගාල්ලේ හෙද සිසු සිසුවියෝ අමාරුවේ වැටෙති ? සෞඛ්‍ය නීති අමු අමුවේ උල්ලංඝනය කරලා

ගාල්ල කළුවැල්ලේ පිහිටි හෙද විදුහලේ හෙද සිසු සිසුවියන් දිනපතා කරාපිටිය ශික්ෂණ රෝහල වෙත ප්‍රවාහනය කරන්නේ සෞඛ්‍ය නිරෝධායන ක්‍රමවේද උල්ලංඝනය කරමිනි.

මහබැංකු අධිපති කබ්රාල්ගේ පත්වීම බල රහිත කරන්න යැයි ඉල්ලා පෙත්සමක්

මහ බැංකු අධිපති අජිත් නිවාඩ් කබ්රාල් එම තනතුරට පත්වීම වළක්වා ඔහු අත්අඩංගුවට ගෙන විමර්ශන සිදුකරන ලෙස ඉල්ලා ගොනුකරන ලද පෙත්සමක් අද (22)...

ලෝකෙට ණය වී Pfizer එන්නත් දීමට රජය සැරසෙයි

ශ්‍රී ලංකා‍වේ කොරෝනා මර්ධන එන්නත්කරණ වැඩසටහන වඩාත් සාර්ථක කරගැනීම සඳහා ඇමෙරිකානු ඩොලර් මිලියන 100ක ණයක් ලෝක බැංකුවෙන් ලබාගැනීම සඳහා අමාත්‍ය මණ්ඩල අනුමැතිය...

අවුරුදු 05ක දැරිය අපයෝජනය කර වීඩියෝ දර්ශන බෙදාහැරි විවාහකයෙක් අල්ලයි

වයස අවුරුදු 5ක් සහ මාස 08ක් වයසැති කුඩා දැරියක බරපතල ලෙස ලිංකික අපයෝජනයට ලක්කර එය සමාජ මාධ්‍ය ඔස්සේ ප්‍රචාරය කළ විවාහකයකු අත්අඩංගුවට...

කොරෝනා ආසාදිත බිරිඳ මරා දැමූ ව්‍යාපාරික සැමියා අත්අඩංගුවට

කොරෝනා ආසාදිතව නිවසේ ප්‍රතිකාර ලබමින් සිටි බිරිඳ ඝාතනය කළ ව්‍යාපාරිකයකු අත්අඩංගුවට ගත් බව බොරලැස්ගමුව පොලිසිය පවසයි. මියගොස් ඇත්තේ බොරලැස්ගමුව,...

ඕස්ට්‍රේලියාවේ ප්‍රබල භූමිකම්පා දෙකක් සිදුවෙයි

ඕස්ට්‍රේලියාවේ මෙල්බර්න් නගරයට ඊසාන දිශාවෙන් පිහිටි මවුන්ට් බුලර් නමැති ප්‍රදේශයේ ප්‍රබල භූමිකම්පා දෙකක් අද (22) අළුයම සිදුව ඇති බව ඇමෙරිකානු භූ විද්‍යා...

සහල් ඇතුළු මිල වැඩිවෙන ද්‍රව්‍ය මෙන්න

ලෝක වෙළෙඳ පොළේ මිල ඉහළ යාම හේතුවෙන් මෙරට භාණ්ඩ කිහිපයක මිල ඉහළ යනු ඇතැයි පාරිභෝගික ආරක්ෂණ ‍රාජ්‍ය අමාත්‍ය ලසන්ත අලගියවන්න අද (21)...
Back
Free WhatsApp News
Free Viber News
Messenger
Email
error: Content is protected !!
%d bloggers like this: