ශ්‍රී ලංකාවේ කොරෝනා මර්ධනය සඳහා පළමුවෙන් ම අනුමත කරන ලද ඔක්ස්ෆර්ඩ් ඇස්ට්‍රාසෙනිකා එන්නත දෙවැනි මාත්‍රාව ලබාදීමට ප්‍රමාණවත් තරම් එන්නත් නොලැබීමේ ගැටලුවට විසඳුම් ලෙස එහි පළමු මාත්‍රාව ලබාදුන් අයට වෙනත් එන්නතක් ලබාදීමට රජය තීරණය කර තිබේ.
මෙය ඇතැමුන් හැඳින්වූයේ එන්නත් කොක්ටේල් කිරීමක් ලෙසිනි. එමෙන් ම එන්නත් දෙකක් දීමෙන් අතුරු ආබාධ ඇතිවන බව ද ඇතැම් මාධ්‍ය වාර්තා කර තිබිණි. වැදගත් වන්නේ විද්‍යාත්මක කරුණු සම්බන්ධයෙන් විද්‍යාත්මක පර්යේෂණ තොරතුරු මත පදනම්ව කටයුතු කිරීමයි.
ඇස්ට්‍රාසෙනෙකා සහ ෆයිසර් කොවිඩ් එන්නත් මාත්‍රාව මිශ්‍ර කිරීමෙන් පසු වැඩිහිටියන්ට මෘදු හා මධ්‍යස්ථ අතුරු ආබාධ වාර්තා කිරීමට වැඩි ඉඩක් ඇති බව අධ්‍යයනයකින් හෙළි වී තිබේ.
විවිධ එන්නත් මාත්‍රාවන් ඒකාබද්ධ කළ විට සෙම්ප්‍රතිශ්‍යාව, හිසරදය සහ මාංශ පේශි වේදනාව වැඩි වශයෙන් වාර්තා විය.
වෙනත් අහිතකර ප්‍රතික්‍රියා කෙටි කාලීනව පැවතුණි.
ඔක්ස්ෆර්ඩ් එන්නත් කණ්ඩායමේ මහාචාර්ය මැතිව් ස්නේප් පැවසුවේ “එය ඇත්තෙන්ම කුතුහලය දනවන සොයා ගැනීමක් මිස අප බලාපොරොත්තු වූ දෙයක් නොවන බවයි.
දෙවන මාත්‍රාව සඳහා වෙනස් එන්නතකින් දිගු කල් පවතින ප්‍රතිශක්තියක් ලබා දෙයිද, නව ප්‍රභේදයන්ට වඩා හොඳ ආරක්ෂාවක් ලබා දිය හැකිද යන්න හෝ සැපයුම් වලට බාධා ඇති වුවහොත් සායනවලට එන්නත් ලබා ගැනීමට ඉඩ දිය හැකිද යන්න සොයා බැලීම සඳහා “කොම්-කෝව්” නම් මෙම අධ්‍යයනය පෙබරවාරි මාසයේදී දියත් කරන ලදී.
කැනේඩියානු ඔන්ටාරියෝ සහ ක්විබෙක් පළාත් දෙකම ඔක්ස්ෆර්ඩ්-ඇස්ට්‍රාසෙනෙකා එන්නත් නැව්ගත කිරීම පිළිබඳ අවිනිශ්චිතතාවය සහ දුර්ලභ රුධිර කැටි ගැසීම් පිළිබඳ අවිනිශ්චිතතාවයන් මධ්‍යයේ නුදුරු අනාගතයේ දී එන්නත් මිශ්‍ර කිරීමට අදහස් කරන බව පවසා තිබේ.
ඔක්ස්ෆර්ඩ් විශ්වවිද්‍යාලය විසින් මෙහෙයවනු ලබන මෙම අධ්‍යයනය සඳහා වයස අවුරුදු 50 ට වැඩි ස්වේච්ඡාවෙන් ඉදිරිපත් වූවන් 830 ක් යොදවාගෙන තිබේ.
එහි පළමු සම්පූර්ණ ප්‍රතිඵල ජුනි මාසයේදී ප්‍රකාශයට පත් කිරීමට අපේක්ෂා කෙරේ.
නමුත් මූලිකව සොයාගෙන ඇති දත්ත, වෛද්‍ය සඟරාවක් වන ලැන්සෙට් හි පර්යේෂණ ලිපියකින් ප්‍රකාශයට පත් කර ඇත.
සති හතරක කාලයක් තුළ ඇස්ට්‍රාසෙනෙකා එන්නත් දෙකක් ලබාදුන් ස්වේච්ඡා සේවකයන් 10 දෙනෙකුගෙන් එක් අයෙකුට උණ ඇතිවූ බව වාර්තා විය. නමුත් ඔවුන්ට එක් ඇස්ට්‍රාසෙනෙකා එන්නතක් සහ ෆයිසර් එන්නතක් ලැබුනේ නම්, ඕනෑම අනුපිළිවෙලකට එම අනුපාතය 34% ක් දක්වා ඉහළ ගියේය.
“සෙම්ප්‍රතිශ්‍යාව, තෙහෙට්ටුව, හිසරදය, ව්යාධිය සහ මාංශ පේශි කැක්කුම වැනි වෙනත් රෝග ලක්ෂණ සඳහා ද මෙවැනිම වෙනස්කම් දක්නට ලැබිණි” යැයි පර්යේෂණයේ ප්රධාන විමර්ශක මහාචාර්ය ස්නේප් පැවසීය.
“එය අපට පවසන එක් දෙයක් නම්, හෙද හෙදියන්ගෙන් පිරුණු වාට්ටුවකට [විවිධ එන්නත් වල මිශ්‍ර මාත්‍රාවලින්] එන්නත් කිරීමට ඔබට අවශ්‍ය නොවනු ඇත. මන්ද ඔබට ඊළඟ දවසේ වැඩිපුර පිරිසක් රාජකාරි සඳහා නොපැමිණීමට ඉඩ ඇති බැවිනි.”
අප්‍රේල් මාසයේදී මෙම අධ්‍යයනය වඩාත් පුළුල්ව සිදුකරන ලද අතර ස්වෙච්ඡාවෙන් ඉදිරිපත්වූ තවත් 1050 එක්කර ගන්නා ලදී. ඔවුන්ට ඇස්ට්‍රසෙනිකා හා ෆයිසර් සමග මොඩර්නා සහ නොවාවැක්ස් කොරෝනා එන්නත් වල සංකලනයක් ලබාදෙන ලදී.
