පොහොර උරයක බහා වැව් පිටියක දමා ගොස් සිටි බිළිඳකු හමු වූ බව වාරියපොළ පොලිසිය පවසයි.
පඬුවස්නුවර, බණ්ඩාරගොස්වත්ත, උගුරැස්සගම වැව් පිටියේ එම බිළිඳා දමා ගොස් තිබිණි.
දරුවකු හඬනු ඇසි ඒ ගැන විමසිලිමත් වූ ගවයන් දිගේලි කිරීමට ගිය කාන්තාවක් මේ පොහොර උරය තුළ සිටි බිළිඳා පළමුවෙවන් දැක ඇත. පසුව එතැනට තවත් ගම්වාසීන් ද කැඳවා ගිලන් රථකින් බිළිඳා නිකවැරටිය රෝහලට ගෙන ගොස් ඇත.
වාරියපොළ පොලිසිය මේ සම්බන්ධයෙන් වැඩිදුර පරීක්ෂණ පවත්වයි.