පාර්ලිමේන්තු මන්ත්රී සනත් නිශාන්ත අධිකරණයට අපහාස වන අයුරින් සිදුකළායැයි කියන ප්රකාය සම්බන්ධයෙන් සුදුසු පියවර ගන්නා ලෙස ශ්රේෂ්ඨාධිකරණනයට අද (29) පෙත්සමක් ගොනුකර ඇත.
නීතිඥ ප්රියලාල් සිරිසේන විසින් මේ පෙත්සම ගොනුකර තිබිණි.
ශ්රී ලංකා පොදු ජන පෙරමුණු පක්ෂ මූලස්ථානයේ දී ඔහු කරන ලද ප්රකාශයක් හේතුවෙන් මෙලෙස අධිකරණයට අපහාස සිදුව ඇතැයි ඔහු පෙන්වා දෙයි.
එම පෙපත්සමේ වගඋත්තරකරුවන් ලෙස පාර්ලිමේන්තු මන්ත්රී සනත් නිශාන්ත, ශ්රී ලංකා නීතිඥ සංගමය සහ නීතිපතිවරයා නම්කර තිබේ.
පෙත්සම්කරු පවසන්නේ පළමු වගඋත්තරකරු අපරාධ සිද්දීන් සම්බන්ධයෙන් චෝදනා එල්ලවී ඇති අයකු වන අතර පසුගිය මැයි 09 වැනි දා ගාලු මුවදොර අරගලයට පහරදීමේ සිද්ධිය සම්බන්ධයෙන් කොටුව මහේස්ත්රාත් අධිකරණයේ විභාග ව නඩුවේ සැකකරුවකු ද බවයි.
ඔහු පසුගිය 23 වැනි දා අධිිකරණයට අපහාස වන අයුරින් අදහස් දක්වා ඇති බව ද පෙත්සම්කරු චෝදනා කරයි.