ඩෙංගු සුව වී, කොරෝනා වැළඳුණු ගැබිනියක් දරුවාට උපත දී මෙළොව හැර යයි

පුවත්

ගොවීහු කෘෂිකර්ම ඇමති සොහොන් පිටියක වළලති. ඇමති පණ පිටින්

මාස් කන්නයේ වී වගාවට අවශ්‍ය පොහොර ලබාදෙන ලෙස ඉල්ලා උද්ඝෝෂණයක නිරත වූ ගොවිහු පිරිසක් කෘෂිකර්ම අමාත්‍ය මහින්දානන්ද අළුත්ගමගේ ලෙස සැකසූ පිළිරුවක් මළ...

දෙරණට ශබ්ද උපකරණ ගෙනයන ලොරියක කාරයක් හැපී රථ දෙකම ගිනිගනී (වීඩියෝ සහිතයි)

දෙරණ නාලිකාවේ වැඩසටහනකට අවශ්‍ය ශබ්ද උපකරණ ප්‍රවාහනය කරමින් තිබූ ලොරියක් දෙල්කඳ ප්‍රදේශයේ නවතා තිබිය දී ඊයේ (10) රාත්‍රී එහි ගැටුණු කාරයක් ගිනිගෙන...

මහ වැස්සෙන් මන්නාරමේ ජන ජීවිතය අඩාල වෙයි

මහ වැසි හේතුවෙන් මන්නාරම දිස්ත්‍රික්කයේ ප්‍රදේශ කිහිපයක ජලගැලීම් සිදුව තිබේ. මේ හේතුවෙන් සාමාන්‍ය ජනජීවිතය ද අඩාල වී ඇතැයි ආපදා කළමනාකරණ දෙපාර්තමේන්තුව පවසයි.

කණ්ඩලම වැවේ දූපත්වලින් හමුවූ අබිරහස් (වීඩියෝ)

දඹුල්ලේ කණ්ඩලම වැවේ පිහිටි දූපතකින් නටඹුන් වී ගිය ගොඩනැගිල්ලක අවශේෂ හමුවූ බවත් තවත් දූපතක කුරුල්ලන් මරා මස් කිරීමේ ජාවාරමක සළකුණු හමු වූ...

විදෙස්

ඩෙංගු වැළඳී ඉන් සුවය ලබා කොරෝනා ආසාදනය වූ ගැබිනි කාන්තාවක් මාස 07ක් වූ සිය දරුවා මෙළොවට බිහිකිරීමෙන් අනතුරුව මියගිය බව ගාල්ල කරාපිටිය ශික්ෂණ රෝහලේ අතිරේක හදිසි මරණ පරීක්ෂක චන්ද්‍රසේන ලොකුගේ මහතා පවසයි.

මෙලෙස මියගොස් ඇත්තේ රාගම තේවත්ත පාරේ පදිංචිව සිටි 36 හැවිරිදි තිදරු මවකි.

මාස දෙකකට පමණ පෙර ඩෙංගු වැළඳීම හේතුවෙන් ප්‍රතිකාර ලබාගත් ඇය සුවය ලබා යහපත් සෞඛ්‍ය ‍තත්වයකින් සිටි බව මියගිය එම මවගේ හදිසි මරණ පරීක්ෂණයේ දී සාක්ෂි දුන් ඇගේ සැමියා (39) පවසයි.

ඔහු වැඩිදුරටත් මෙසේ ද කිවේය.

“ ඩෙංගු සුවවෙලා මගේ නෝනා ඉතා හොඳින් සිටියා. නමුත් ජුනි 26 වැනි දා ඇයේ ඇඟ රිදෙන්න ගත්තා. හතිය වගේ තිබුණා. මේ නිසා අපි ඩෙංගු හැඳුණු අවස්ථාවේ ප්‍රතිකාර ලබාගත් වෛද්‍යවරයා හමුවුණා. පීසීආර් පරීක්ෂණයක සහ ඩෙංගු සඳහා රුධිර පරීක්ෂණයක් කරන්න කීවා. ඒ පරීක්ෂණ දෙකේම ගැටලුවක් තිබුණේ නැහැ. නමුත් බිරිඳගේ අසනීප තත්ත්වය අඩු වුණේ නැහැ. නැවත දවසකින් විතර පීසීආර් පරීක්ෂණයක් කළා. ඒ පරීක්ෂණයෙන් ඇය කොරෝනා ආසාදිතයි කියලා කිව්වා. ඒ වනවිට ලැබෙන්න සිටි දරුවාට මාස 07යි. අපි පවුල් සෞඛ්‍ය සේවිකාවට මේ බව කිව්වම හැකි ඉක්මණින් රාගම රෝහලට යන්න කිව්වා.”

රාගම රෝහලට ඇතුළත් කෙරුණු ඇය එක් දිනකට පසු හෝමාගම රෝහලට මාරුකර යවා තිබිණි. මේ වනවිට ඇගේ සැමියාත්, වයස අවුරුදු 10ක් වූ වැඩිමහල් දියණිය සහ අවුරුදු 06ක වයසැති පුතාත්, දෙමාපියනුත් ඔවුන් පදිංචිව සිටි නිවසේ ම නිරෝධායනයට යොමුකර සිටියහ. එබැවින් ඔහුට දරු කුසක් දරා සිටින බිරිඳ බැලීමට යා නොහැකි වුව ද නිතර නිතර දුරකථනයෙන් දෙදෙනා කතා කළහ.

ඔහු පවසන්නේ හෝමාගම රෝහලේ දී කුසේ සිටි මාස 07ක් වයසැති දරුවා සිසේරියන් සැත්කමකින් බිහිකිරීමට වෛවද්‍යවරු කටයුතු කර තිබූ බවයි.

“හෝමාගම දී දරුව ඉපදුණා. එයා මාස හතෙන් ගත්තු නිසා කාසල් රෝහලට දරුවාව යවනවා කියලා හෝමාගම රෝහලෙන් කිව්වා. මගේ නෝනා දිගටම හෝමාගම රෝහලේ ම ප්‍රතිකාර ලබමින් සිටියා. ජුනි මාසේ 08 වැනි දා රෝහලෙන් කතා කරලා මට කිව්වා බිරිඳට ටිකක් අමාරුයි ඒ නිසා කරාපිටිය රෝහලට යවන්න වෙනවා කියලා. එදාම රෑ ගිලන්රථයකින් එයාව කරාපිටිය රෝහලට රැගෙන ආවා.”

කරාපිටිය ශික්ෂණ රෝහලට රැගෙන ආ ඇය එහි දැඩි සත්කාර ඒකකයට ඇතුළත් කෙරිණි. ඔහු පවසන්නේ ටික දිනකින් බිරිඳ යම් තරමකට සුවය ලැබූ බවයි. ඇය තමන් හා දුරකථනයෙන් කතා කළ බවත් තම නිරෝධායන කාලය අවසන් වූ බැවින් බිරිඳ බැලීමට කරාපිටිය රෝහලට පවා පැමිණි බවත් ඔහු හදිසි මරණ පරීක්ෂණයේ දී සාක්ෂි දෙමින් කීවේය.

“හදිසියේ ම එයා කෝල් කරලා කිව්වා උණ ගත්තා කියලා. රෝහලෙන් පරීක්ෂා කරලා කිව්වලු වකුගඩුවලට විෂබීජයක් ගිහින් තිබෙන බව. මේ නිසා ලේ පවා දුන්නා කිව්වා. ඊයේ (21) සවස එයා මට ‍මැසේජ් එකක් එවවලා තිබුණා අමාරුයි ලේ මරු කරන්න හදනවා කියලා. ඔයා දෙවියන්ට යාඥා කරන්න කියලත් කියා තිබුණා.”

මේ පණිවිඩය ලැබුණු වහාම ඔහු රාගම සිට කරාපිටිය රෝහලට පැමිණියේය. දැඩි සත්කාර ඒකකය අසළට ගිය ඔහු එහි දොරෙන් තම බිරිඳගේ ඇඳ දෙස බලා සිටිය දී තම ආදරණීය සැමියා පැමිණ සිටිනු දුටු අත ඔසවා ඔහු දෙස බැලුවාය.

තම බිරිඳ කොරෝනා ආසාදිත බැවින් ඇයට කොතරම් අසාධ්‍ය වුව ද ඇය සමීපයට යාමට ඔහුට අවසර ලැබුණේ නැත. වෛද්‍යවරු ද ඔහුට කීවේ වකුගඩුවල විෂබීජ ආසාදනයක් ඇති බැවින් ඇය තරමක් අසාධ්‍ය තත්ත්වයෙන් පසුවන බවයි.

ඔහු යළි රාගම ගියේ නැත. ගාල්ලේ නතර වූවේය. අළුයම 2.55ට කරාපිටිය රෝහලෙන් ඔහුට දුරකථන ඇමතුමක් ලැබී තිබුණ ද පැවති ‍දැඩි වෙහෙස නිසාම ඔහුට එය මඟ හැරී ගොස් තිබිණි. නමුත් ඒ ඇමතුම දුටු වහාම වාට්ටුවට කතා කළ ඔහුට “ඉක්මනට එන්න නෝනට ටිකක් අමාරුයි” යන පණිවිඩය ලැබිණි. ඔහු යන විට ඇය මොළොව හැර ගොසිනි.

ඇය කොරෝනා ආසාදිතව මියගොස් ඇතත් මාතෘ මරණයක් බැවින් ඒ සිරුර විච්ඡේදනය කරමින් පශ්චාත් මරණ පරීක්ෂණය සිදුකළ රුහුණ විශ්වවිද්‍යාලයේ වෛද්‍ය පීඨයේ විශේෂඥ අධිකරණ වෛද්‍ය යූ.සී.පී.පෙරේරා මහතාගේ නිගමනය සහ ඉදිරිපත් වූ සාක්ෂි සළකා බැලූ හදිසි මරණ පරීක්ෂක චන්ද්‍රසේන ලොකුගේ මහතාගේ තීරණය වූයේ  වූයේ කොරෝනා නිව්මෝනියාව සමඟ වකුගඩුවල විෂබීජ ආසාදනය ‍හේතුවෙන්  ඇගේ මරණය සිදුව ඇති බවයි.

මියගිය මෙම තිදරු මවගේ දේහය හෙට (23) දඩල්ල පොදු සුසාන භූමියේ දී නිරෝධායන නීති අනුව ආදාහනය කිරීමට නියමිතය.

ඔබේ අදහස් දක්වන්න.

Latest articles

ආහාර විෂ වී හමුදාවේ පිරිසක් රෝහලේ

මඩකලපුව වාකරේ 233 වැනි බලසේනා මූලස්ථානයේ සෙබළු 16 දෙනෙක් ආහාර විෂ වී මඩකලපුව රෝහලට ඇතුළත් කළ බව යුද හමුදාව පවසයි.

පාර්ලිමේන්තු මන්ත්‍රීවරු නිල නිවාස රැසක් අවභාවිතා කරලා

පාර්ලිමේන්තු මන්ත්‍රීවරුන් වෙනුවෙන් කෝට්ටේ මාදිවෙළ ඉදිකර ඇති නිල නිවාස ලබාගත් මන්ත්‍රීවරුන්ගෙන් හරි අඩකටත් වැඩි පිරිසක් එම නිල නිවාස අවභාවිතා කර ඇතැයි හෙළි...

මානව වංශකතාව වෙනස් කළ, බණ්ඩාරවෙල නගරය ලෝකයේ ම අවදානයට ලක්වෙයි

ලෝකයේ මානව වංශකතාව අධ්‍යයනය කරද්දී සියලු පුරාවිද්‍යාඥයන්ට ශ්‍රී ලංකාව යනු ඉතාමත් වැදගත් රටකි. අප්‍රිකා මහද්වීපයේ දී අදින් වසර ලක්ෂ...

පොලිසියට ගලවන්න බැරි වූ කැලියල්පිටිය පන්සලේ යකඩ කට rata.lk අනාවරණයෙන් පසු ගැලවෙයි

දවුලගල පොලිස් බල ප්‍රදේශයේ පිහිටි කැලියල්පිටිය පුරාණ විහාරස්ථානයේ සවිකර තිබූ ශබ්ද විකාශන යන්ත්‍ර අද (22) ගලවා ඉවත්කර තිබේ. මෙම...

කොටස් වෙළෙඳ පොළ විජයග්‍රාහී වාර්තා රැසක් පිහිටුවයි

කොළඹ කොටස් වෙළෙඳ පොළ අද (22) දිනයේ වාර්තා රාශියක් පිහිට වූ අතර ගනුදෙනු 38,383ක් සිදුකරමින් දෛනික පිරිවැටුම රුපියල් මිලියන 4,462ක් බවට පත්විය.

කළු දිලීර රෝගය වැළඳුණු කොරෝනා ආසාදිතයෙක් ගාල්ලේ දී මියගිහින්

කොරෝනා ආසාදනය වී මියගිය පුද්ගලයකුට කළු දිලීර රෝගය හෙවත් මියුකෝමයිකෝසිස් වැළඳී ඇතැයි තහවුරු වූ බව කරාපිටිය ශික්ෂණ රෝහලේ අධිකරණ වෛද්‍ය අංශය පවසයි.මෙලෙස...

Expo Lanka වටිනාකම බිලියන 400 ඉක්මවූ මෙරට පළමු සමාගම බවට පත්වෙයි

කොළඹ ‍කොටස් වෙළෙඳ පොළ ඉතිහාසයේ වාර්තා අලුත් කරමින් Expo Lanka සමාගමේ සමස්ත වත්කම් රුපියල් බිලියන 400 ඉක්මවා අද (22) වාර්තා විය.

මළ සිරුරක් ඉල්ලා හදිසි මරණ පරීක්ෂකට පහරදීලා

මළ සිරුරක් ඉක්මණින් ලබාදෙන ලෙස ඉල්ලා කිසියම් පිරිසක් විසින් හදිසි මරණ පරීක්ෂකවරයකුට පහර දී ඇතැයි පොලිසිය කියයි. මෙලෙස...

ප්‍රාදේශීය සභාවේ සභාපති කොරෝනා සෑදී මරුට

යාපනයේ කරෙයිනගර් ප්‍රාදේශීය සභාවේ සභාපති එස්.කේතිස්වරන් කොරෝනා ආසාදිතව මියගිය බව සෞඛ්‍ය අංශ පවසයි. සභාපතිවරයා යාපනය ශික්ෂණ රෝහලේ ප්‍රතිකාර...

එන්නත්වලටත් මර්ධනය නොවන “ඩෙල්ටා ප්ලස්” ශ්‍රී ලංකාවේ පැතිරීමේ අවදානමක් ?

කොරෝනා වයිරසයේ තවත් ප්‍රභේදයක් ලෙස හඳුනාගෙන ඇති Delta + (ඩෙල්ටා ප්ලස්) ප්‍රභේදය ලෝකය පුරා රටවල් රැසක සීඝ්‍රයෙන් ව්‍යාප්තවෙමින් පවතින බවත් එය ශ්‍රී...
Back
Free WhatsApp News
Free Viber News
Messenger
Email
error: Content is protected !!