එක්දින තරඟාවලියත් තරඟයක් ඉතිරිව තිබිය දී ම පරදී

පුවත්

රැහේ රැජිනට අහිමි වූ අවමංගල සිරිත්

ආදි මානවයාගේ සිට නූතන මානව වර්ගයා දක්වා වසර දහස් ගණනක් තිස්සේ විවිධ සංස්කෘතීන් හා සභ්‍යත්වයන් පසුකරගෙන ආ අප වර්තමානය වනවිට නූතන තාක්ෂණයට...

ශ්‍රී ලංකා ක්‍රීඩක දිනේෂ් ලෝක වාර්තාවක් සමඟ පැරාඔලිම්පික් රන් පදක්කමක් දිනා ගනී

පැරාඔලිම්පික් තරඟාවලියක ශ්‍රී ලංකාවට හිමිවූ ප්‍රථම රන් පදක්කම ලෝක වාර්තාවක් ද තබමින් හිමිකරගැනීමට දිනේෂ් ප්‍රියන්ත අද සමත්වූයේය. ඔහු මේ...

පරාක්‍රම සමුද්‍රය රැකගන්න මහා සංඝයා පෙරට එති

පොළොන්නරුවේ පරාක්‍රම සමුද්‍රයේ රළපනාවේ ගල් ඉවත්කර ඒ මතින් ඇවිදින මංතීරුවක් සෑදීමේ ව්‍යාපෘතියට එරෙහිව මහා සංඝරත්නය අද (27) එහි වැඩමකර එම ව්‍යාපෘතිය නවතා...

කටින් බතල හිටවීම දැක තිබේ ද ? ශ්‍රී ලංකාව Lockdown

කොරෝනා වසංගතය වේගයෙන් ම පැතිරය යන රටවල් අතර ඉහළින්ම වැ‍ජඹෙන සහ ලොව වැඩිම කොරොනා මරණ අනුපාතයක් වාර්තාවන රට බවට පත්ව ඇති ශ්‍රී...

විදෙස්

ශ්‍රී ලකා කණ්ඩායමේ ඉදිරිපෙළ සුණු විසුණු කර දමමින් තරඟයේ වීරයා වූ සෑම් කරන්ගේ පන්දු යැවීම හමුවේ පසුබෑමට ලක්වූ ශ්‍රී ලංකා කණ්ඩායමට එරෙහිව කඩුළු 08ක පහසු ජයක් වාර්තාකරගත් එංගලන්ත ක්‍රිකට් ක්‍රීඩකයෝ තරඟ තුනකින් සමන්විත එක්දින තරඟාවලියේ තවත් තරඟයක් ඉතිරිව තිබිය දී ම ඊයේ (01) තරඟාවලිය ජයග්‍රහණය කළහ.

එංගලන්ත තනතීරුවල පන්දුවට පහරදෙන ආකාරය ගැන කිසිදු වැටහීමක් නොමැති ආකාරයෙන් කටයුතු කරන ශ්‍රී ලංකා පිතිකරුවන්ගේ පළමු පළමු කඩුලු 4 ම ලකුණු 21 ක් ඇතුළත බිඳ වැටුණද ධනංජය ද සිල්වා, වනිඳු හසරංග සහ දසුන් ශානක ධෛර්යවන්ත ලෙසින් පිති හැසිරවීම හේතුවෙන් ශ්‍රී ලංකාවට පන්දුවාර 50 අවසානයේ කඩුළු 09ක් දැවී ලකුණු 241ක් ලබාගැනීමට හැකිවිය.

එංගලන්ත පිතිකරුවන් එම ඉලක්කය සම්පූර්ණ කළේ තවත් කඩුළු 08ක් අතැතිවය

වේගවත් ආරම්භයක් ලබා දුන් ජේසන් රෝයි සහ ජෝනී බෙයාර්ස්ටෝ පළමු කඩුල්ල වෙනුවෙන් ලකුණු 76 ක් එක් කළේ පන්දු 76 ක් වැය කරමිනි. එංගලන්ත ජයග්‍රහණය එමගින් වඩාත් පහසුවිය. ධනංජය ද සිල්වාගේ සුපිරි උඩ පන්දු රැකීම හමුවේ රෝයිගේ ඉනිම නිමාවට පත්වන විට ලකුණු 60 ක් ලබා සිටියේය. චාමික කරුණාරත්නගේ නම ඉදිරියෙන් එම කඩුල්ල සටහන් විය. පන්දු 52 කදී ගොඩනැංවුණු එම රෝයිගේ ඉනිම හතරේ පහර 10 කින් සමන්විත විය.

මුලු ලකුණු සංඛ්‍යාව 104 ක් වන විට ජොනී බෙයාර්ස්ටෝගේ කඩුල්ල දවා ගැනීමට වනිඳු හසරංග සමත් වුවත් ජෝ රූට් සහ නායක මෝගන්ගේ ඉනිම නවතා ලීමට ශ්‍රී ලංකා කණ්ඩායමට හැකිවූයේ නැත. එංගලන්ත ජයග්‍රහණය කරන විට රූට් සහ මෝගන් තෙවැනි කඩුල්ල වෙනුවෙන් ලකුණු 140 ක් එක් කර තිබිණි. එහිදී මෝගන් පන්දු 83 කදී ලකුණු 75 ක්ද රූට් පන්දු 87 කදී ලකුණු 68 ක්ද ලබා කඩුල්ලේ නොදැවී රැඳී සිටියහ.

තරඟයේ දෙවැනි පන්දුවේ සිටම ශ්‍රී ලංකා කඩුළු දඩයම ඇරැඹූ වමත් වේග පන්දු යවන සෑම් කරන් ප්‍රථමයෙන්ම නායක කුසල් පෙරේරාවත්, ඊට පන්දු දෙකකට පසු අවිෂ්ක ප්‍රනාන්දුගේ කඩුල්ලත් දවා ගත්තේය. අනතුරුව ක්‍රියාත්මක වුණු කරන් පැතුම් නිස්සංකව දවා ගන්නා විට ඔහුගේ පන්දු යැවීම පන්දුවාර 1.3 කදී ලකුණු 03 කට කඩුලු 3 ක් වශයෙන් සටහන් විය. චරිත් අසලංක ද කරන්ගේ පන්දුවක් හමුවේ දැවී යන විට ශ්‍රී ලංකා ලකුණු පුවරුව කඩුලු 4 කට යන්තමින් ලකුණු 21 ක් ලෙස සටහන්ව පැවැතිණ.

චාමික කරුණාරත්නගේ කඩුල්ල දවා ගැනීමට සමත්වීමත් සමඟ පන්දුවාර 10 ක් යවමින් ලකුණු 48 කට කඩුලු 5 ක් දවා ගනිමින් තම එක්දින තරග දිවියේ හොඳම පන්දු යැවීම වාර්තා කිරීමට සෑම් කරන් සමත්වූයේය. මේ දස්කම සෑම් කරන්ට තරඟයේ වීරයා සම්මානය ලැබීමට ද හේතුවක් විය.

සෑම් කරන්ගේ සොහොයුරා ටොම් කරන් ද මේ කණ්ඩායේම සිටියේය. ඔවුන් දෙදෙනාග සිම්බාබ්වේ ජාතික කණ්ඩායම නියෝජනය කරන ලද පැට්‍රික් කරන්ගේ මුණුබුරන් මෙන්ම, පසුව සිම්බාබ්වේ කණ්ඩායම නියෝජනය කරන ලද කෙවින් කරන්ගේ පුත්‍රයෝ ද වෙති. ඒ අනුනව රටවල් දෙකක ජාතික කණ්ඩායම් නියෝජනය කළ මේ පරපුරේ තුන්වැනි පුරුක් අද මෙසේ දස්කම් දක්වති.

සෑම් කරන්ට අනගි සහායක් ලබා දුන් අනෙක් වමත් පන්දු යවන්නා වන ඩේවිඩ් විලී ශ්‍රී ලංකා ඉනිමේ ඉතිරි කඩුලු 5 න් 4 ක් දවා ගත්තේය. ලකුණු 64 ක් ඇතුළත එම කඩුලු 4 විලී දවා ගැනීමට සමත්වද්දී වමත් පන්දු යවන්නන් දෙදෙනා ශ්‍රී ලංකා ඉනිමේ කඩුලු 10 න් දැවී ගිය කඩුලු 9 ට හිමිකම් කීමද කැපී පෙනුණි.

ඉදිරි පෙළ පිතිකරුවන්ගේ අසාර්ථක භාවය හේතුවෙන් විටෙක ලකුණු 100 සීමාව ඉක්මවාලීමට පවා නොහැකි වනු ඇති තත්ත්වයක තිබූ ශ්‍රී ලංකා ඉනිම පන්දුවාර 50 අවසන් වන විට කඩුලු 9 කට 241 දක්වා ඉහළ දමා ගැනීමට මැද පෙළ සහ පසුපෙළ පිතිකරුවන්ගේ ධෛර්යවන්ත පිතිහරඹවලට හැකියාව ලැබිණ.

අනගි ඉනිමක් ක්‍රියාත්මක කළ ධනංජය සහ වනිඳු හසරංග ශ්‍රී ලංකා පිල ගොඩ ගත්හ. අරවින්ද ද සිල්වාගේ පිතිහරඹය සිහි ගන්වමින් එල්ල කරන ලද මනරම් ඩ්‍රයිව් පහර, කට් පහර සහ පුල් පහරවලින් ලකුණු රැස් කළ ධනංජය දිනයේ කැපී පෙනෙනම පන්දු යවන්නා වුණු සෑම් කරන්ට එරෙහිව පිට පිට පන්දු 3 කට හතරේ පහර 3 ක් එල්ල කිරීමින් පීඩනය හැසිරවීම ශ්‍රී ලංකා ඉනිමේ කැපී පෙනිණ. ඊයේ දිනයේ ධනංජය ලබාග්ත ලකුණු 91 ඔහු මෙතෙක්  ජාත්‍යන්තර එක්දින තරඟයක දී ලබාගත් ඉහළම ලකුණු සංඛ්‍යාව ද වෙයි.

වනිඳුගේ පිත්තෙන් වාර්තා වූයේ ලකුණු 26 ක් වුවද එය ද ශ්‍රී ලංකාවට සැණසිලිදායක ඉනිමක් විය. වනිඳු දැවීයාමෙන් පසු ධනංජයට එකතු වුණු දසුන් ශානක 6 වැනි කඩුල්ල වෙනුවෙන් ලකුණු 78 ක් එක් කළේය. ලබාගත යුතුව ම තිබූ ශතකයට ලකුණු 9 ක් තිබියදී ධනංජයගේ වටිනා ඉනිම නිමාවට පත්වූයේ ඔහු මුහුණු දුන් 91 වැනි පන්දුවේදීමය. ඒ වනවිට ඔහු තම ඉනිමට හතරේ පහර 13 ක් එල්ල කර තිබිණි

එම දැවී යෑමත් සමඟ පිතිකරුවන් රහිතව පිටියේ තනි වුණු දසුන් ශානකද තෙවැනි අර්ධ ශතකයට ලබා ගැනීමට තවත් ලකුණු 3 ක් තිබියදී දැවී ගියේය. දෙරට අතර පැවැත්වෙන තෙවැනි සහ අවසන් එක්දින තරගය ලබන ඉරිදා බ්‍රිස්ටල්හිදී පැවැත්වෙනු ඇත.

ඔබේ අදහස් දක්වන්න.

Latest articles

ඒලියන්ත වයිට් මිත්‍යාව මිත්‍යාවක්ම බව සනාථ කරමින් කොරෝන සෑදී මරුට

අධ්‍යාත්මික ශක්තියෙන් හා කුණ්ඩලීනු යෝගයෙන් තමන්ට කොරෝනා සුව කළ හැකි බව පැවසූ ඒලියන්ත වයිට් කොරෝනා ආසාදිතව අද (22) මියගිය බව සෞඛ්‍ය අංශ...

කොටස් වෙළෙඳ පොළ දින කිහිපයකට පසු සුළු වර්ධනයක් පෙන්වයි

කොළඹ කොටස් වෙළෙඳ පොළ අද (22) දිනයේ ගනුදෙනු 18,850ක් වාර්තා කරමින් දෛනික පිරිවැටුම රුපියල් මිලියන 2,560ක් ලෙස සටහන් විය.

පොත් අළෙවි සැල් විවෘතකිරීමට පොලිස්පති අවසර ඉල්ලයි

නි‍රෝධායන ඇඳිරිනීතිය ක්‍රියාත්මක වන කාලයේ දී පොත් අළෙවි සැල් විවෘත කිරීමට අවසර දෙන ලෙස පොලිපතිවරයා විසින් සෞඛ්‍ය සේවා අධ්‍යක්ෂ ජනරාල්වරයාගෙන් ඉල්ලීක් කර...

ගාල්ලේ හෙද සිසු සිසුවියෝ අමාරුවේ වැටෙති ? සෞඛ්‍ය නීති අමු අමුවේ උල්ලංඝනය කරලා

ගාල්ල කළුවැල්ලේ පිහිටි හෙද විදුහලේ හෙද සිසු සිසුවියන් දිනපතා කරාපිටිය ශික්ෂණ රෝහල වෙත ප්‍රවාහනය කරන්නේ සෞඛ්‍ය නිරෝධායන ක්‍රමවේද උල්ලංඝනය කරමිනි.

මහබැංකු අධිපති කබ්රාල්ගේ පත්වීම බල රහිත කරන්න යැයි ඉල්ලා පෙත්සමක්

මහ බැංකු අධිපති අජිත් නිවාඩ් කබ්රාල් එම තනතුරට පත්වීම වළක්වා ඔහු අත්අඩංගුවට ගෙන විමර්ශන සිදුකරන ලෙස ඉල්ලා ගොනුකරන ලද පෙත්සමක් අද (22)...

ලෝකෙට ණය වී Pfizer එන්නත් දීමට රජය සැරසෙයි

ශ්‍රී ලංකා‍වේ කොරෝනා මර්ධන එන්නත්කරණ වැඩසටහන වඩාත් සාර්ථක කරගැනීම සඳහා ඇමෙරිකානු ඩොලර් මිලියන 100ක ණයක් ලෝක බැංකුවෙන් ලබාගැනීම සඳහා අමාත්‍ය මණ්ඩල අනුමැතිය...

අවුරුදු 05ක දැරිය අපයෝජනය කර වීඩියෝ දර්ශන බෙදාහැරි විවාහකයෙක් අල්ලයි

වයස අවුරුදු 5ක් සහ මාස 08ක් වයසැති කුඩා දැරියක බරපතල ලෙස ලිංකික අපයෝජනයට ලක්කර එය සමාජ මාධ්‍ය ඔස්සේ ප්‍රචාරය කළ විවාහකයකු අත්අඩංගුවට...

කොරෝනා ආසාදිත බිරිඳ මරා දැමූ ව්‍යාපාරික සැමියා අත්අඩංගුවට

කොරෝනා ආසාදිතව නිවසේ ප්‍රතිකාර ලබමින් සිටි බිරිඳ ඝාතනය කළ ව්‍යාපාරිකයකු අත්අඩංගුවට ගත් බව බොරලැස්ගමුව පොලිසිය පවසයි. මියගොස් ඇත්තේ බොරලැස්ගමුව,...

ඕස්ට්‍රේලියාවේ ප්‍රබල භූමිකම්පා දෙකක් සිදුවෙයි

ඕස්ට්‍රේලියාවේ මෙල්බර්න් නගරයට ඊසාන දිශාවෙන් පිහිටි මවුන්ට් බුලර් නමැති ප්‍රදේශයේ ප්‍රබල භූමිකම්පා දෙකක් අද (22) අළුයම සිදුව ඇති බව ඇමෙරිකානු භූ විද්‍යා...

සහල් ඇතුළු මිල වැඩිවෙන ද්‍රව්‍ය මෙන්න

ලෝක වෙළෙඳ පොළේ මිල ඉහළ යාම හේතුවෙන් මෙරට භාණ්ඩ කිහිපයක මිල ඉහළ යනු ඇතැයි පාරිභෝගික ආරක්ෂණ ‍රාජ්‍ය අමාත්‍ය ලසන්ත අලගියවන්න අද (21)...
Back
Free WhatsApp News
Free Viber News
Messenger
Email
error: Content is protected !!