ගාල්ල දිස්ත්රික්කයෙන් හමුවූ කොරෝනා රෝගීන් ගණන මේ වනවිට 12ක් දක්වා ඉහළ ගොස් තිබේ. ඒ අද (21) අහුංගල්ල කටුවිල දී හමුවූ රෝගීන් තිදෙනාා ද සමගිනි.
කොරෝනා දෙවැනි රැල්ල ආරම්භ වූයේ මිනුවන්ගොඩ ඇඟළුම් කර්මාන්තශාලාවකින් වන අතර මෙවර හමුවූ රෝගින් බහුතරයක් මිනුවන්ගොඩ එම ඇඟළුම් කම්හලේ සේවක සේවිකාවන් හෝ ඔවුන්ගේ පළමු පෙළ ආශ්රිතයන් වීම හේතුවෙන් එය මිනුවන්ගොඩ ඇගළුම් පොකුර ලෙස හැඳින්විනි.
නමුත් මේ වනවිට රටේ විවිධ ස්ථානවලින් දෛනිකව රෝගීන් හමුවන අතර ගාල්ලෙන් අද හමුවූ රෝගීන් වාර්තාවන්නේ අවමංගල්යයක් පැවැති නිවසකට පැමිණි අය අතරිනි. ඔවුන් කිසිවෙකුත් මිනුවන්ගොඩ ඇඟළුම් කර්මාන්තශාලාවේ සමීපතමයන් නොවන අතර කොළඹ නැව් තටාංගනයේ සේවය කරන ආසාදිත තරුණයකුගේ ආශ්රිතයෝය.
මේ අනුව මිනුවන්ගොඩ ඇඟළුම් පොකුර පළමු පෙළ ආශ්රිතයන්ගෙන් පසු දෙවැනි පෙළට ගොස් ඇති බව පැහැදිලිිිිිවේ.
මෙහි දී ගාල්ල දිස්ත්රික්කයේ පදිංචිකරුවන් අවධානය යොමු කළ යුතු වන්නේ ගාල්ලෙන් වාර්තා වූ කොරෝනා ආසාදිතයන් කවර ප්රදේශවලින් වාර්තා වී ඇත්ද යන්න පිළිබඳවයි.
පළමු ආසාදිතයා වාර්තාවන්නේ අහංගම ප්රදේශයෙනි. ඇඟළුම් සේවිකාවක් වන ඇය දානමය පිංකමකට සහභාගී වූ බැවින් විශාල පිරිසක් නිරෝධායනය සඳහා යොමුකිරීමට සිදුවිය. එසේ වුව ද පළමු පෙළ ආශ්රිතයන් අතර ආසාදිතයන් වාර්තා වූයේ නැත.
ගාල්ල වටරැක පදිංචි කාන්තාවක් කොරා්නා අසාදිත බවට හඳුනාගත් අතර ඇයගේ සමීපතමයන් සඳහා පැවැත්වූ පීසීආර් පරීක්ෂණ සෘණාත්මක වී තිබිණි. එසේ වුව ද ඇය කඩවත සිට ගාල්ලට පැමිණි අධිවේගී මාර්ග බස් රථයේ පැමිණි පිරිසට නිරෝධායනය වන ලෙස කියා සිටිය ද ඔවුන් කිසිවෙකුත් මේ දක්වාම ඉදිරිපත් වී නැත. ඇයට යාබද අසුනේ සිටි තැනැත්තන් හෝ සෙයාගැනීමට නොහැකිවීම ගැටලුවක් බැවින් ඔවුන්ගෙන් වයිරසය ගාල්ලේ සමාජගත වී ඇත්ද යන්න අප දන්නේ නැත.
ඉන්පසු ගාල්ලේ බටපොළ හා ඇල්පිටියෙන් රෝගීන් වාර්තා වූ අතර කාන්තාවන් වූ ඒ් දෙදෙනාම මිනුවන්ගොඩ කර්මාන්තශාලාවේ සේවිකාවෝය. ඔවුන්ගේ පළමු පෙළ සමීපතමයන්ට ද කොරෝනා ආසාදනය වී නැත. මේ සමගම නාගොඩ ප්රදේශයේ පදිංචි කාන්තාවක ද කොරෝනා ආසාදිත බවට හඳුනාගෙන තිබුණ ද ඇය මාසයකට වැඩි කාලයකින් නිවසට පැමිණ නොතිබුණෙන් ඇයගෙන් ගාල්ල දිස්ත්රික්කයේ පදිංචි කිසිවෙකුට බලපෑම් වූයේ නැත.
ගාල්ල පෝද්දල පදිංි ලංකා විදුලි සමාගමේ කඳාන කාර්යාලයේ සේවකයකු කොරෝනා අසාදිතයැයි සෞඛ්ය අංශ පැවසූ අතර ඔහු ලග්ගල රෝහලට යොමුකර තිබිණි. මේ අතර ඔහුගේ පවුලේ සාමාජිකයන් ද නිරෝධායනයට යොමුකෙරිණි. නමුත් දින දෙකකට පසු සෞඛ්ය අංශ තහවුරු කළේ ඔහු ආසාදිතයකු බව සඳහන් කර ඇත්තේ පුද්ගලික රෝහලක් විසින් පීසීආර් වාර්තාව වරද්දාගැනීමෙන් බවයි. ඒ් වනවිටත් කොරෝනා ආසාදිතයන් සමග රෝහලක සිටි එම තැනැත්තා මේ වනවිටත් දික්වැල්ලේ හෝටලයක නිරෝධායනය වෙමින් සිටියි.
මේ අතර වඳුරඹ තරුණියකට කොරෝනා ඇති බව තහවුරු කෙරිණි ඇය ගමන්ගත් බස් රථ හඳුනාගත්ත ද ඒ් බසරථවල පැමිණී මගීන් කිසිවෙකුත් හඳුනාගැනීමට නොහැකි වූවෙන් ඒ තරුණියගේ ආශ්රිතයන් ආසාදනය වූවාදැයි දන්නේ නැත.
මේ සියල්ලෝම මිනුවන්ගොඩ ඇඟළුම් කර්මාන්තශාලාවේ සාමාජිකයන් හෝ ඔවුන්ගේ සමීපතමයෝය. ඉන් පසු ගාල්ලෙන් වාර්තාවන්නේ කොළඹ නැව් තටාංගනයේ කොරෝනා ආසාදිත පිරිසයි.
ගාල්ලේ කිතුලම්පිටියේ පදිංචි නැව් තටාංගන නිලධාරියකු ආසාදිත බව මුල්වරට ගාල්ලෙන් වාර්තාවිය. ඔහු තම නිවස ආසන්නයේ ඇති සුපිරි වෙළඳ සැළකින් යෝගට් මිලදී ගෙන තිබුණෙන් සුපිරි වෙළඳ සැලේ සිටි කිහිප දෙනකු නිරෝධායනය කිරීමට සිදුවිය. ප්රතිඵලය වූයේ තරුණයකුට තම විවාහය කල් දැමීමට සිදුවීමයි. මේ අසාදිතයාගේ බිරිඳ කරාපිටිය ශික්ෂණ රෝහලේ හෙදියක වූ අතර ඇයට කොරෝනා අසාදනය වී තිබුණේ නැත.
ඉන් පසු කරන්දෙණිය, කබරගල හා අහුංගල්ල පදිංචි කොළඹ නැව් තටාංගනයේ සේවකයන් තිදෙනකු ආසාදිත බව තහවුරු වී තිබිණි. මොවන්ගේ බරපතලම ගැටලුව වූයේ ඉන් දෙදෙනකු ම තමන් පොදු ප්රවාහන සේවා භාවිතා කළ බව පැවසීමයි. ඒ් අතරින් කරන්දෙණියේ පදිංචි ආසාදිත පුද්ගලයා දිනපතා අම්බලන්ගොඩ සහ කොළඹ අතර දුම්රියෙන් ගමන්කර තිබිණි. මේ තත්ත්වය කොරෝනා වසංගතය සමාජගතවීමට ඇති ඉතා සමීප අවස්ථාවක් බව සෞඛ්ය අංශ හඳුනාගෙන ඇත.
අහුුංගල්ල පදිංචි ආසාදිතයා පවසන්නේ තමන් යතුරුපැදියකින් රැකියාව සඳහා යන බවයි. එසේ වුව ද ඔහුගේ සමීපතම ඥාතියකුගේ නිවසේ පැවැති අවමංගල්ය අවස්ථාවවක දී ඔහු 12 වැනි දා රාත්රිය පුරා එම නිවසේ ගත කර තිබේ.එම නිවස පිහිටා ඇත්තේ අහුංගල්ල සිට ඌරගහ පාරේ කටුවිල ප්රදේශයේය. 13 වැනි දා ඔහු යළි ගොස් ඇත. එම තැනැත්තා ආසාදිතයකු බව හඳුනාගෙන ඇත්තේ පසුගිය 17 වැනි දින කරන ලද පීසීආර් පරීක්ෂණයෙනි. ඉන් පසු මළගෙදර සිටි පිරිස සඳහා කරන ලද පීසීආර් පරීක්ෂණ ප්රතිඵල අනුව මළ ගෙදර සිටි තිදෙනකු ආසාදිත වී තිබේ. ඔවුන් දින පහකට ආසන්න කාලයක් කොරෝනා වයිරසය සිරුරේ තිබිය දී සමාජය තුළ සැරිසරා තිබීම ගැටලුවක් බව සෞඛ්ය අංශ පවයි.
මේ අනුව ගාල්ල දිස්ත්රික්කයේ පදිංචි ගාල්ලේ පිරිස් ඇසුරු කළ 12 දෙනකු මේ වනවිට කොරෝනා ආසාදිතයන් බව තහවුරු කරගෙන ඇත. ඔවුන්ගේ පදිංචි ස්ථාන හා ආසාදනයට බලපෑ ස්ථානය පහත දක්වා ඇත.
- අහංගම – මිනුවන්ගොඩ ඇඟළුම් කර්මාන්තශාලාව
- වටරැක -මිනුවන්ගොඩ ඇඟළුම් කර්මාන්තශාලාව
- බටපොළ – මිනුවන්ගොඩ ඇඟළුම් කර්මාන්තශාලාව
- ඇල්පිටිය – මිනුවන්ගොඩ ඇඟළුම් කර්මාන්තශාලාව
- වදුරඹ – මිනුවන්ගොඩ ඇඟළුම් කර්මාන්තශාලාව
- කිතුලම්පිටිය – කොළඹ නැව් තටාංගනය
- කරන්දෙණිය -කොළඹ නැව් තටාංගනය
- කබරගල -කොළඹ නැව් තටාංගනය
- අහුංගල්ල -කොළඹ නැව් තටාංගනය
- අහුංගල්ල – මළ ගෙදර
- අහුංගල්ල – මළ ගෙදර
- අහුංගල්ල – මළ ගෙදර
