කෑගල්ල රෝහලේ බාහිර රෝගී අංශයේ වෛද්‍යවරියන් තිදෙනකු ඇතුළු රෝගීන් 23 දෙනකු කෑගල්ල දිස්ත්‍රික්කයෙන් හඳුනාගෙන ඇතැයි දිස්ත්‍රික් සෞඛ්‍ය සේවා අධ්‍යක්වරයා පවසයි.
සෞඛ්‍ය සේවා අධ්‍යක්ෂ වෛද්‍ය කුමාර වික්‍රමසිංහ මහතා පවසන්නේ මේ සියලු දෙනාම මේ වනවිට ප්‍රතිකාර සඳහා රෝහල්ගත කර ඇති බවයි. එමෙන් ම ඔවුන්ගේ ආශ්‍රිතයන් ද නිරෝධායනය සඳහා යොමුකර තිබේ.
කෑගල්ල රෝහලේ බාහිර රෝගී අංශයේ සේවය කරන ආසාදනය වූ එක් වෛද්‍යවරියකගේ සැමියාට, පුතාට, එම වෛද්‍යවරියගේ බාල දියණියට සහ නිවසේ සේවිකාවකට ද කොරෝනා ආසාදනය වී ඇති බව තවුරු වී තිබේ.
