විදේශ ගමන් බලපත්‍ර ඔන්ලයින් ක්‍රමයට අයදුම් කිරීම හෙට (15) සිට ආරම්භ කරයි.
මජහන ආරක්ෂක අමාත්‍ය ටිරාන් අලස් පවසන්නේ ඔන්ලයින් ක්‍රමයට අයදුම් කරන පුද්ගලයන්ට තම ඇඟිලි සලකුණු, දිවයින පුරා පිහිටි ප්‍රාදේශීය ලේකම් කාර්යාල 51 කට අනුබද්ධ, පුද්ගලයන් ලියාපදිංචි කිරීමේ දෙපාර්තමේන්තුවේ උප කාර්යාලවදී ලබා දීම සිදුකල හැකි බවයි.
ඔන්ලයින් ක්‍රමයට විදේශ ගමන් බලපත්‍ර නිකුත්කිරීමේ වැඩපිලිවෙල ආරම්භ කිරීමෙන් පසු වුව ද අවශ්‍යනම් ආගමන විගමන දෙපාර්තමේන්තුව වෙත පැමිණ අයදුම්පත් බාර දී විදේශ ගමන් බලපත්‍ර ලබා ගැනීමට හැකියාව පවතී.
විදේශ ගමන් බලපත්‍ර ලබාදීමේ එක්දින සේවාව ද සාමාන්‍ය පරිදි සිදු කරන බවත්
මෙම නව වැඩපිළිවෙළ යටතේ විදේශ ගමන් බලපත්‍රයක් අයදුම් කළ පසු අයදුම්කරුවන්ට දින තුනක් ඇතුළත විදේශ ගමන් බලපත්‍රය කුරියර් සේවාවකට ලබා බැවින් එය නිවසටම ගෙන්වා ගත හැකි බව මහජන ආරක්ෂක අමාත්‍ය ටිරාන් අලස් වැඩිදුරටත් කීවේය.
ඇඟිලි සළකුණු ලබාදිය හැකි ප්‍රාදේශීය ලේකම් කාර්යාල පහත සඳහන් කර ඇත.
| දිස්ත්‍රික්කය | ප්‍රාදේශීය ලේකම් කාර්යාල |
| අම්පාර | සමන්තුරේ, පොතුවිල් |
| අනුරාධපුර | නුවරගම් පළාත මධ්‍යම, කැකිරාව, හොරොව්පතාන |
| බදුල්ල | මහියංගනය, හපුතලේ |
| මඩකලපුව | කෝරළෙයිපත්තු (වාලච්චේනයි), කාත්තන්කුඩි |
| කොළඹ | සීතාවක, හෝමාගම |
| ගාල්ල | කරන්දෙනිය, අක්මීමන, නෙළුව |
| ගම්පහ | මීගමුව, මීරිගම, ගම්පහ |
| හම්බන්තොට | තංගල්ල, තිස්සමහාරාමය |
| යාපනය | චාවකච්චේරි, පේදුරුතුඩුව |
| කළුතර | ඉංගිරිය, මතුගම, පානදුර |
| මහනුවර | ගම්පොල, කුන්ඩසාලේ, පූජාපිටිය |
| කෑගල්ල | ගලිගමුව, රුවන්වැල්ල |
| කිලිනොච්චිය | කරච්චි |
| කුරුණෑගල | පු.ලි.දෙ. වයඹ පළාත් ප්‍රාදේශීය කාර්යාලය, කුලියාපිටිය, නිකවැරටිය |
| මන්නාරම | මන්තායි බටහිර |
| මාතලේ | නාවුල |
| මාතර | අතුරලිය, දෙවිනුවර |
| මොනරාගල | බුත්තල |
| මුලතිව් | මුලතිව් |
| නුවරඑළිය | අඹගමුව, වලපනේ |
| පොලොන්නරුව | ඇළහැර, දිඹුලාගල, හිඟුරක්ගොඩ |
| පුත්තලම | පුත්තලම, හලාවත |
| රත්නපුර | බලංගොඩ, කුරුවිට, ඇඹිලිපිටිය |
| ත්‍රිකුණාමලය | කින්නියා |
| වව්නියාව | වෙංගලසෙට්ටිකුලම |
