බෞද්ධ හා පාලි විශ්වවිද්‍යාලය ලබන 27 වැනි දා නැවත විවෘත කරන බව උපකුලපති මහාචාර්ය නෙළුවේ සුමනවංශ හිමි පවසයි.
පසුගිය දෙසැම්බර් 19 වැනි දා සිට විශ්වවිද්‍යාලය වසා දමා තිබිණි. මේ අතර කාලයේ දී එම විශ්වවිද්‍යාලයේ ශිෂ්‍ය සංගමය තාවකාලිකව විසුරුවා හැර ඇතැයි ද සුමනවංශ හිමියෝ කීහ.
විශ්වවිද්‍යාලය නැවත විවෘතකරන අවස්ථාවේ දී අධ්‍යයන කටයුතු සඳහා සියලු ශිෂ්‍යයන් තම භාරකරු හෝ භාරකාර හිමිනම සමඟ පැමිණීම අනිවාර්ය බව ද උපකුලපති හිමියෝ පවසති.
ඒ අනුව පළමු වසර සිසුන් පමණක් මුලින් විශ්වවිද්‍යාලයට අතුළත් කරගැනීමට කටයුතු යොදා ඇත.
