Miss world තරඟය සඳහා ශ්‍රී ලංකාව නියෝජනය කළ අනුදි ගුණසේකර අද (02) නැවත ශ්‍රී ලංකාවට පැමිණියාය.
Miss world තරඟාවලිය ඉන්දියාවේ පැවැත්වුණු අතර එය 72 වැනි Miss world තරඟාවලියයි. ඉන්දියාවේ තෙලඟනා ප්‍රාන්තයේ හයිද්‍රාබාද් නගරයේ දී එහි අවසන් තරඟ වටය පැවැත්විණි.
ලෝකය පුරා රටවල් 108ක තරඟකාරිනියන් Miss world සඳහා තරඟ වැඳුණු අතර එය විවිධ අංශ යටතේ පැවැත්විණි.
එම තරඟ අංශවලින් කැපී පෙනෙන දක්ෂතා දැක්වීමට අනුදි ගුණසේකර සමත්වූ අතර හෙඩ් ටු හෙඩ් සහ මල්ටිමීඩියා අංශවල අවසන් වට සඳහා සුදුසුකම් ලබාගැනීමට ද ඇය සමත් වුවාය.
ඒ මෙරට ඉතිහාසයේ පළමුවරට එම අංශවලින් අවසන් වටයන් සඳහා සුදුසුකම් ලැබූ පළමු ශ්‍රී ලාංකික තරගකාරිනිය බව ඇය පත්වූ නමුත් සමස්ත තරඟාවලියේ අවසන් 40 දෙනා අතරට පැමිණීමට ඇයට අවස්ථාව ලැබුණේ නැත.
