දකුණු කොරියාවේ ඩේගු නගරයේ නීති ආයතනයක සිදුවූ ගිනි ගැනීමක් සහ පිපිරුමකින් 07දෙනකු මියගොස් 46 දෙනකු තුවාල ලබා ඇතැයි වාර්තා වේ. බ්රහස්පතින්දා උදෑසන නගරයේ දිසා අධිකරණය අසල කාර්යාල ගොඩනැගිල්ලක මෙම පිපිරුම සිදුව තිබේ.
පොලිසිය පැවසුවේ ප්රහාරයට හේතුව සොයා බලන නමුත් එය ගිනි තැබීමක් විය හැකි බවට විශ්වාස කරන බවයි.
අපරාධය සිදුකළ බවට සැකකරන 50 හැවිරිදි පුද්ගලයෙකු එම ස්ථානයේදීම මියගොස් ඇති බව බලධාරීහු පවසති.
ප්රාදේශීය වේලාවෙන් 10:55 (GMT 01:55) ට පමණ ගින්න හටගෙන ඇති අතර ටික වේලාවකට පසු ගිනි නිවන භටයින් 150 කට වැඩි පිරිසක් එම ස්ථානයට යොදවා ඇත.
කාර්ය මණ්ඩලය විනාඩි 20කින් ගින්න නිවා දැමූ බව නිලධාරීහු පවසති.
තුවාලකරුවන්ගෙන් වැඩි දෙනෙක් දුම් ආඝ්රාණය නිසා ඇති වූ පීඩාවන් සමඟ රෝහල් ගත කර ඇත.
පොලිසිය පරීක්ෂණයක් ආරම්භ කර ඇත. කාර්යාලයේ සීසීටීවී දර්ශනවල දැක්වෙන්නේ අපරාධකරු දෙවන මහලේ කාර්යාලයට ඇතුළු වන ආකාරය බව බීබීසී කොරියානු සේවය වාර්තා කරයි.
ප්රහාරයට පෙර ඔහු නීතීඥ කාර්යාලයට පැමිණිල්ලක් ගොනු කර ඇති බව ප්රාදේශීය මාධ්ය වාර්තා කළේය.