හැමදේටම කට දැමූ GMOA, වෛද්‍යවරුන්ගේ කට වහද්දී නිහඬවෙයි

පුවත්

ගොවීහු කෘෂිකර්ම ඇමති සොහොන් පිටියක වළලති. ඇමති පණ පිටින්

මාස් කන්නයේ වී වගාවට අවශ්‍ය පොහොර ලබාදෙන ලෙස ඉල්ලා උද්ඝෝෂණයක නිරත වූ ගොවිහු පිරිසක් කෘෂිකර්ම අමාත්‍ය මහින්දානන්ද අළුත්ගමගේ ලෙස සැකසූ පිළිරුවක් මළ...

දෙරණට ශබ්ද උපකරණ ගෙනයන ලොරියක කාරයක් හැපී රථ දෙකම ගිනිගනී (වීඩියෝ සහිතයි)

දෙරණ නාලිකාවේ වැඩසටහනකට අවශ්‍ය ශබ්ද උපකරණ ප්‍රවාහනය කරමින් තිබූ ලොරියක් දෙල්කඳ ප්‍රදේශයේ නවතා තිබිය දී ඊයේ (10) රාත්‍රී එහි ගැටුණු කාරයක් ගිනිගෙන...

මහ වැස්සෙන් මන්නාරමේ ජන ජීවිතය අඩාල වෙයි

මහ වැසි හේතුවෙන් මන්නාරම දිස්ත්‍රික්කයේ ප්‍රදේශ කිහිපයක ජලගැලීම් සිදුව තිබේ. මේ හේතුවෙන් සාමාන්‍ය ජනජීවිතය ද අඩාල වී ඇතැයි ආපදා කළමනාකරණ දෙපාර්තමේන්තුව පවසයි.

කණ්ඩලම වැවේ දූපත්වලින් හමුවූ අබිරහස් (වීඩියෝ)

දඹුල්ලේ කණ්ඩලම වැවේ පිහිටි දූපතකින් නටඹුන් වී ගිය ගොඩනැගිල්ලක අවශේෂ හමුවූ බවත් තවත් දූපතක කුරුල්ලන් මරා මස් කිරීමේ ජාවාරමක සළකුණු හමු වූ...

විදෙස්

තම වෘත්තියට කිසිසේත් ම අදාල නොවන කරුණු සම්බන්ධයෙන් පවා මාධ්‍ය සාකච්ඡා පැවැත්වූ රජයේ වෛද්‍ය නිලධාරීන්ගේ සංගමය වර්තමාන රජය වෛද්‍යවරු ඇතුළු සෞඛ්‍ය අංශ නිලධාරීන් මාධ්‍ය හමුවේ අදහස් දැක්වීම වාරණය කරමින් මූලික මිනිස් අයිතිවාසිකම් උල්ලංඝනය කිරීම සම්බන්ධයෙන් කිසිදු අදහසක් ප්‍රකාශ නොකර නිහඬ ප්‍රතිපත්තියක් අනුගමනය කරමින් සිටියි.

රජයේ වෛද්‍ය නිලධාරීවරුන්ගේ සංගමය වර්තමාන රජය බලයට ගෙන ඒම සඳහා විශාල මෙහෙවරක් කළ සංවිධානයක් ලෙස දකුණේ ආණ්ඩුකාර විලී ගමගේ විසින් හඳුන්වාදීමේ යථාර්ථය එයින් මනාව පිළිබිඹු වෙයි.

සෞඛ්‍ය අමාත්‍යාංශයේ ලේකම්වරයා විසින් පසුගිය දා නිකුත් කරන ලද නියෝගයක් මගින් වෛද්‍යවරුන් ඇතුළු සියළු සෞඛ්‍ය සේවකයන්ට මාධ්‍ය හමුවේ අදහස් දැක්වීම වළක්වා තිබෙන අතර එම නියෝගය නිකුත්කිරීමට පෙර දිනක මාධ්‍ය හමුවේ අදහස් දැක්වූ සෞඛ්‍ය අමාත්‍යාංශයේ නියෝජ්‍ය අධ්‍යක්ෂවරයකු වන වෛද්‍ය චමල් සංජීවට ‍එරෙහිව විනය පරීක්ෂණයක් ද ‍ආරම්භ කර තිබේ.

වෛද්‍ය චමල් සංජීව යනු රජයේ වෛද්‍ය නිලධාරීවරුන්ගේ සංගමයට වාර්ෂික සාමාජික මුදල් රුපියල් 17,500.00ක් ගෙවනු ලබන ඔවුන්ගේ ම සාමාජිකයෙකි. තම සාමාජිකත්වය ඇති වෛද්‍යවරයකු වුව ද සංගමයේ පටු අරමුණු වෙනුවෙන් පෙනී නොසිටින බැවින් රජයේ වෛද්‍ය නිලධාරීවරුන්ගේ සංගමය ඔහු හම්බන්තොට දිස්ත්‍රික් සෞඛ්‍ය සේවා කාර්යාලයේ අධ්‍යක්ෂවරයකු ලෙස සිටිය දී ඉන් ඉවත් කිරීමට විශාල වෙහෙසක් ගත්තේය. ඉන් පසු වෛද්‍ය චමල් සංජීව සෞඛ්‍ය අමාත්‍යාංශයේ සිටිය දී ඔහුගේ සුදුසුකම් හා හැකියාවන් අනුව නිසි වගකීමක් භාර දීම වැළැක්වීමට කටයුතු කළ රජයේ වෛද්‍ය නිලධාරීවරුන්ගේ සංගමය ඔහු දකුණු පළාත් නියෝජ්‍ය සෞඛ්‍ය සේවා අධ්‍යක්ෂවරයා ලෙස පත්ව පැමිණි පසු මාසයක්වත් එම ධූරයේ රැඳී සිටීමට ඉඩ දුන්නේ නැත.

රජයේ වෛද්‍ය නිලධාරීවරුන්ගේ සංගමයේ ඕනෑම ඉල්ලීමක් ඉටුකිරීමට තරම් බංකොලොත්බාවයට පත්ව සිටින සෞඛ්‍ය අමාත්‍යාංශයේ නවතම බිල්ල වී ඇත්තේ සෞඛ්‍ය හා වෛද්‍ය විද්‍යාත්මක තොරතුරු සරල සිංහල බසින් ජනතාව වෙත සන්නිවේදනය කරනු ලබන විද්වතකු මෙන්ම සන්නිවේදන පිළිබඳ මනා ප්‍රාගුණ්‍යයකින් හෙබි වෛද්‍ය චමල් සංජීවයි.

නමුත් රජයේ වෛද්‍ය නිලධාරීවරුන්ගේ සංගමය තම සාමාජිකයා වෙනුවෙන් හෝ පෙනී සිටින්නේ නැත. එයින් ඔවුන් වක්‍රා කාරයෙන් සෞඛ්‍ය අමාත්‍යාංශ ලේකම්වරයා විසින් වෛද්‍යවරුන් ඇතුළු අනෙකුත් සෞඛ්‍ය සේවකයන්ගේ කට වැසීම අනුමත කර තිබේ. මේ සංගමය සිතා සිටින්නේ තමන් පමණක් මාධ්‍ය හමුවේ අදහස් දැක්විය යුතුයැයි යනුවෙනි.

රජයේ වෛද්‍ය නිලධාරීවරුන්ගේ සංගමයේ මාධ්‍ය සාකච්ඡා පිළිබඳ පසුගිය දිනක කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජනරාල් ශවේන්ද්‍ර සිල්වා අදහස් දක්වමින් කියා සිටියේ වෛද්‍යවරුන්ගේ වෘත්තීය සමිති කොවිඩ් මර්ධන කමිටුවට පැමිණ ප්‍රකාශ නොකරන දේ එළියට ‍ගොස් මාධ්‍ය හමුවේ ප්‍රකාශ කරන බවයි. මෙය බරපතල වරදක් බව ද හමුදාපතිවරයා කියා සිටියේය.

තම වෘත්තියට අදාල නොවන කරුණු වෙනුවෙන් පවා අදහස් දක්වමින් පටු දේශපාලන අරමුණු වෙනුවෙන් පෙනී සිටි රජයේ වෛද්‍ය නිලධාරීවරුන්ගේ සංගමය තම වෘත්තීය සඟයන් වෙනුවෙන් පෙනී නොසිටින සංවිධානයක් බව වෛද්‍යවරුන්ගේ අදහස් දැක්වීම වාරණය කළ සෞඛ්‍ය ලේකම්වරයාගේ නියෝගය පිළිබඳ අදහස් නොදැක්වීමෙන්ම පෙනී යයි.

එසේ වුව ද ජාත්‍යන්තර මානව හිමිකම් සංවිධාන සහ සිවිල් ක්‍රියාකාරිකයන් පවසන්නේ කොරෝනා වැනි වසංගත තත්ත්වයක් තුළ ජනතාවට නිවැරදි සෞඛ්‍ය තොරතුරු දැනගැනීමේ අයිතියක් තිබෙන බවයි. එය ශ්‍රී ලංකා ආණ්ඩුක්‍රම ව්‍යවස්ථාවෙන්ද තහවුරු කර ඇති මූලිික අයිතිවාසිකමකි. එමෙන් ම මෙවැනි වසංගත තත්ත්වය ක දී රජය කළ යුත්තේ නිවැරදි සෞඛ්‍ය තොරතුරු හැකිතාක් ජනගත කිරීමට සෞඛ්‍ය සේවකයන්ට අවස්ථාව ලබාදීමයි. සෞඛ්‍ය අමාත්‍යාංශයේ ලේකම්වරයා නිකුත් කළ එම නියෝගයෙන් මූලික අයිතිවාසිකම් උල්ලංඝනය වී තිබිය දී පවා රජයේ වෛද්‍ය නිලධාරීන්ගේ සංගමය කටයුතු කරන ආකාරය පුදුම සහගතය.

ඔබේ අදහස් දක්වන්න.

Latest articles

ආහාර විෂ වී හමුදාවේ පිරිසක් රෝහලේ

මඩකලපුව වාකරේ 233 වැනි බලසේනා මූලස්ථානයේ සෙබළු 16 දෙනෙක් ආහාර විෂ වී මඩකලපුව රෝහලට ඇතුළත් කළ බව යුද හමුදාව පවසයි.

පාර්ලිමේන්තු මන්ත්‍රීවරු නිල නිවාස රැසක් අවභාවිතා කරලා

පාර්ලිමේන්තු මන්ත්‍රීවරුන් වෙනුවෙන් කෝට්ටේ මාදිවෙළ ඉදිකර ඇති නිල නිවාස ලබාගත් මන්ත්‍රීවරුන්ගෙන් හරි අඩකටත් වැඩි පිරිසක් එම නිල නිවාස අවභාවිතා කර ඇතැයි හෙළි...

මානව වංශකතාව වෙනස් කළ, බණ්ඩාරවෙල නගරය ලෝකයේ ම අවදානයට ලක්වෙයි

ලෝකයේ මානව වංශකතාව අධ්‍යයනය කරද්දී සියලු පුරාවිද්‍යාඥයන්ට ශ්‍රී ලංකාව යනු ඉතාමත් වැදගත් රටකි. අප්‍රිකා මහද්වීපයේ දී අදින් වසර ලක්ෂ...

පොලිසියට ගලවන්න බැරි වූ කැලියල්පිටිය පන්සලේ යකඩ කට rata.lk අනාවරණයෙන් පසු ගැලවෙයි

දවුලගල පොලිස් බල ප්‍රදේශයේ පිහිටි කැලියල්පිටිය පුරාණ විහාරස්ථානයේ සවිකර තිබූ ශබ්ද විකාශන යන්ත්‍ර අද (22) ගලවා ඉවත්කර තිබේ. මෙම...

කොටස් වෙළෙඳ පොළ විජයග්‍රාහී වාර්තා රැසක් පිහිටුවයි

කොළඹ කොටස් වෙළෙඳ පොළ අද (22) දිනයේ වාර්තා රාශියක් පිහිට වූ අතර ගනුදෙනු 38,383ක් සිදුකරමින් දෛනික පිරිවැටුම රුපියල් මිලියන 4,462ක් බවට පත්විය.

කළු දිලීර රෝගය වැළඳුණු කොරෝනා ආසාදිතයෙක් ගාල්ලේ දී මියගිහින්

කොරෝනා ආසාදනය වී මියගිය පුද්ගලයකුට කළු දිලීර රෝගය හෙවත් මියුකෝමයිකෝසිස් වැළඳී ඇතැයි තහවුරු වූ බව කරාපිටිය ශික්ෂණ රෝහලේ අධිකරණ වෛද්‍ය අංශය පවසයි.මෙලෙස...

Expo Lanka වටිනාකම බිලියන 400 ඉක්මවූ මෙරට පළමු සමාගම බවට පත්වෙයි

කොළඹ ‍කොටස් වෙළෙඳ පොළ ඉතිහාසයේ වාර්තා අලුත් කරමින් Expo Lanka සමාගමේ සමස්ත වත්කම් රුපියල් බිලියන 400 ඉක්මවා අද (22) වාර්තා විය.

මළ සිරුරක් ඉල්ලා හදිසි මරණ පරීක්ෂකට පහරදීලා

මළ සිරුරක් ඉක්මණින් ලබාදෙන ලෙස ඉල්ලා කිසියම් පිරිසක් විසින් හදිසි මරණ පරීක්ෂකවරයකුට පහර දී ඇතැයි පොලිසිය කියයි. මෙලෙස...

ප්‍රාදේශීය සභාවේ සභාපති කොරෝනා සෑදී මරුට

යාපනයේ කරෙයිනගර් ප්‍රාදේශීය සභාවේ සභාපති එස්.කේතිස්වරන් කොරෝනා ආසාදිතව මියගිය බව සෞඛ්‍ය අංශ පවසයි. සභාපතිවරයා යාපනය ශික්ෂණ රෝහලේ ප්‍රතිකාර...

එන්නත්වලටත් මර්ධනය නොවන “ඩෙල්ටා ප්ලස්” ශ්‍රී ලංකාවේ පැතිරීමේ අවදානමක් ?

කොරෝනා වයිරසයේ තවත් ප්‍රභේදයක් ලෙස හඳුනාගෙන ඇති Delta + (ඩෙල්ටා ප්ලස්) ප්‍රභේදය ලෝකය පුරා රටවල් රැසක සීඝ්‍රයෙන් ව්‍යාප්තවෙමින් පවතින බවත් එය ශ්‍රී...
Back
Free WhatsApp News
Free Viber News
Messenger
Email
error: Content is protected !!