පෞද්ගලික බසයක දී දැරියකට ලිංගික හිරිහැර සිදුකළේ යැයි සැකපිට පොලිස් කොස්තාපල්වරයකු සහ හිටපු නාවික හමුදා සෙබළකු අත්අඩංගුවට ගත් බව ජා-ඇල පොලිසිය පවසයි.
බසයේ ගමන්ගත් 16 හැවිරිදි දැරියකට ඔවුන් දෙදෙනා අතවර කළ බවට පැමිණිල්ලක් ලැබී තිබේ.
මෙලෙස අත්අඩංගුවට ගත් පොලිස් කොස්තාපල්වරයා, පොලිස් විශේෂ කාර්ය බළකායේ කළුබෝවිල කඳවුරට අනුයුක්තව සේවය කරන්නෙකි. අත්අඩංගුවට ගත් හිටපු නාවික හමුදා සෙබළා මාතලේ පදිංචි 52 හැවිරිදි අයකු බව ද පොලිසිය සඳහන් කළේය.
