වී වගා කරන ගොවීන්ට ආසියානු සංවර්ධන බැංකුවෙන් දුන් රුපියල්‍ කෝටි 800ක මුදල ලබාදීම සඳහා දුන් බැංකු ගිණුම්වලින් 38%ක් වැරදි බව ගොවිජන සේවා කොමසාරිස් ජනරාල් එච්.එම්.එල්.ඒ.අබේරත්න පවසයි.
ඇතැම් ගොවිජන සේවා නිලධාරීන් තවමත් තම බලප්‍රදේශවල ගොවීන්ගේ ගිණුම් අංක එවා නැති බව ද ඔවන්ට එරෙහිව විනයානුකූලව පියවර ගන්නා බව ද හෙතෙම සඳහන් කළේය.
මෙම ගැටලුව නිරාකරණය කරගැනීම සඳහා ගොවිජන සංවර්ධන දෙපාර්තමෙන්තුවේ 20 දෙනකුගෙන් සමන්විත කාර්ය මණ්ඩලයක් කෘෂිකර්ම ඇමති මහින්ද අමරවීරගේ උපදෙස් මත පත්කිරීමට සිදුව ඇතැයි ද කොමසාරිස් ජනරාල්වරයා පැවසීය.
වැරදි ගිණුම් අංක ලබාදීම සහ ගිණුම් අංක ප්‍රමාදකිරීම නිලධාරීන් පිරිසක් විසින් හිතාමතා සහ සැළසුම් සහගතව සිදුකරන කාර්යයක් බව ද අනාවරණය වී තිබේ.
