ආශු මාරසිංහ සමඟ එකට ජීවත් වූ කාලයේ දී ඔහු තම සුරතල් බල්ලා අපයෝජනය කළේයැයි චෝදනා කළ කාන්තාව අධිකරණයෙන් අපේක්ෂිත ඇප ඉල්ලා සිටියාය.
කරදන ගමරාළලාගේ වගීෂා ආදර්ශා නමැති එම කාන්තාවගේ ඇප ඉල්ලීම සම්බන්ධයෙන් කරුණු ඉදිරිපත් කරන්න යැයි අපරාධ පරීක්ෂණ දෙපාර්තමේන්තුවේ අධ්‍යක්ෂවරයාට සහ එහි විශේෂ විමර්ශන ඒකකයේ ස්ථානාධිපතිවරයාට ලබන 10 වැනි දා අධිකරණයේ පෙනී සිටින ලෙස ද කොළඹ ප්‍රධාන මහේස්ත්‍රාත් ප්‍රසන්න අල්විස් අද (03) සිතාසි නිකුත් කළේය.
ආශු මාරසිංහ විසින් පසුගිය නොවැම්බර් මස 24 වැනි දා අපරාධ පරීක්ෂණ දෙපාර්තමේන්තුවට ඉදිරිපත් කර ඇති පැමිණිල්ලක් සම්බන්ධයෙන් තමන් අත්අඩංගුවට ගැනීමේ සූදානමක් පවතින බැවින් අපේක්ෂිත ඇප ඉල්ලා තිබිණි.
අපරාධ පරික්ෂණ දෙපාර්තමේන්තුවේ අධ්‍යක්ෂකවරයා සහ එහි විශේෂ විමර්ශන ඒකකයේ ස්ථානාධිපතිවරයා වගඋත්තරකරුවන් කරමින් ඉදිරිපත් කර තිබූ මෙම අපෙක්ෂිත ඇප ඉල්ලීම, කරදන ගමරාළලාගේ වගීෂා ආදර්ශා නැමැත්තිය වෙනුවෙන් නිතීඥ සුදත් වික්‍රමරත්න මහතා විසින් අධිකරණය හමුවේ ගොනුකරනු ලැබ තිබිණී.
