ගෝඨාගෝ ගම අරගල භූමියේ ඇති ඉදිකිරීම් සහ බෝග වගා නිසි නීතිමය ප්‍රතිපාදන අනුගමනය කිරීමකින් තොරව ලබන 10 වැනි දා දක්වා ඉවත් නොකරන බවට නීතිපතිවරයා අද (05) අභියාචනාධිකරණයේ දී පොරොන්දු වූයේය. එම ඉදිකිරීම් අද (05) සවස 5.00ට පෙර ඉවත්කර ගන්න යැයි පොලිසිය අරගලකරුවන්ට කරන ලද දැනුම්දීම බල රහිත කරන්න යැයි ඉල්ලමින් ගොනුකර තිබූ පෙපත්සම් කැඳවූ අවස්ථාවේ දී මෙම ප්‍රතිඥාව ලබා දී තිබේ.
නීතිපතිවරයා වෙනුවෙන් අද අධිකරණයේ පෙනී සිටි අතිරේක සොලිස්ටර් ජනරාල් සුමති ධර්මවර්ධන කියා සිටියේ අදාල කාලසීමාව තුළ මෙම අනවසර ඉදිකිරීම් ඉවත්කිරීම සම්බන්ධයේන වන මූලික නීතිමය පියවර ආරම්භ කිරීමට වගඋත්තරකරුවන්ට බාධාවක් නොමැති බවයි.
එමෙන් ම අදාල අරගල භූමියේ සිටින පුද්ගලයන් ස්වේච්ඡාවෙන් එම ස්ථානයෙන් ඉවත්ව යාමට එකඟ වන්නේ නම් එය සිදුකිරීමට බාධාවක් නොවන බව ද නියෝජ්‍ය සොලිස්ටර් ජනරාල්වරයා කීවේය.
