ඇෆ්ඝනිස්තානයේ ටඛාර් ප්‍රාන්තයේ ආගමික පාසලකට එල්ල වූ ගුවන් ප්‍රහාරයකින් ළමුන් ඇතුළුව 12 දෙනෙකු ජීවිතක්ෂයට පත්වී ඇතැයි වාර්තා වේ.
ප්‍රාන්ත බලධාරීන් පැවසුවේ හසාරා කර්ලුක් නම් ගම්මානයේ පිහිටි මද්‍රාසා පාසලකට එල්ල වූ එම ප්‍රහාරයෙන් ළමුන් 11 දෙනෙකු සහ ආගමික ප්‍රධානියෙක් මියගොස් ඇති බවය.
නමුත් එම චෝදනාව ඇෆ්ඝනිස්තාන රජය ප්‍රතික්ෂේප කළේය. ඔවුන් පවසන්නේ තලේබාන් සටන්කරුවන් 12 දෙනෙකු මියගොස් ඇති බවි.
එම ප්‍රදේශයේ සිදු කළ ප්‍රහාරයකින් හමුදා සාමාජිකයින් 30 දෙනෙකු පසුගියදා මියගිය අතර එම ගුවන් ප්‍රහාරය එල්ල කර ඇත්තේ ඊට පිළිතුරක් ලෙස බව විදෙස් මාධ්‍ය පවසයි.
