කරාපිටිය රෝහලේ නම විකුණා මුදල් ගරන හොරුන්ට රැවටෙන්න එපා. වෛද්‍යවරුන්ගේ නම් පවා ගාවලා

පුවත්

ගොවීහු කෘෂිකර්ම ඇමති සොහොන් පිටියක වළලති. ඇමති පණ පිටින්

මාස් කන්නයේ වී වගාවට අවශ්‍ය පොහොර ලබාදෙන ලෙස ඉල්ලා උද්ඝෝෂණයක නිරත වූ ගොවිහු පිරිසක් කෘෂිකර්ම අමාත්‍ය මහින්දානන්ද අළුත්ගමගේ ලෙස සැකසූ පිළිරුවක් මළ...

දෙරණට ශබ්ද උපකරණ ගෙනයන ලොරියක කාරයක් හැපී රථ දෙකම ගිනිගනී (වීඩියෝ සහිතයි)

දෙරණ නාලිකාවේ වැඩසටහනකට අවශ්‍ය ශබ්ද උපකරණ ප්‍රවාහනය කරමින් තිබූ ලොරියක් දෙල්කඳ ප්‍රදේශයේ නවතා තිබිය දී ඊයේ (10) රාත්‍රී එහි ගැටුණු කාරයක් ගිනිගෙන...

මහ වැස්සෙන් මන්නාරමේ ජන ජීවිතය අඩාල වෙයි

මහ වැසි හේතුවෙන් මන්නාරම දිස්ත්‍රික්කයේ ප්‍රදේශ කිහිපයක ජලගැලීම් සිදුව තිබේ. මේ හේතුවෙන් සාමාන්‍ය ජනජීවිතය ද අඩාල වී ඇතැයි ආපදා කළමනාකරණ දෙපාර්තමේන්තුව පවසයි.

කණ්ඩලම වැවේ දූපත්වලින් හමුවූ අබිරහස් (වීඩියෝ)

දඹුල්ලේ කණ්ඩලම වැවේ පිහිටි දූපතකින් නටඹුන් වී ගිය ගොඩනැගිල්ලක අවශේෂ හමුවූ බවත් තවත් දූපතක කුරුල්ලන් මරා මස් කිරීමේ ජාවාරමක සළකුණු හමු වූ...

විදෙස්

කරාපිටිය ශික්ෂණ රෝහලේ නේවාසිකව ප්‍රතිකාර ලබන කොරෝනා ආසාදිතයන්ට ආහාර ඇතුළු උපකරණ සහ රෝහලට අවශ්‍ය උපකරණ ලබාදීමට බව පවසමින් ඇතැම් පුද්ගලයන් සමාජ මාධ්‍ය ඔස්සේ ප්‍රචාරයක් ගෙන යමින් කරනු ලබන මුදල් එකතුකිරීම්වලට නොරැවටෙන ලෙස කාරාපිටිය ශික්ෂණ රෝහලේ බලධාරීන් ඉල්ලා සිටියි.

කරාපිටිය රෝහල් කමිටු සාමාාජිකයකු මගින් රෝහල් අධ්‍යක්ෂවරයාගෙන් විමසූ විට ඔවුන් කියා සිටියේ මෙවැනි ජාවාරම් කිහිපයක් සම්බන්ධයෙන් මේ වනවිට අනාවරණය වී තිබෙන බවයි. විවිධ පුද්ගලයන් බුදුන්ගේ සහ දෙවිවරුන්ගේ පිළිම දමාගෙන කරාපිටිය ශික්ෂණ රෝහලට උපකරණ ලබාදීමට බව පමසමින් තමන්ගේ පුද්ගලික ගිනුම්වලට මුදල් යොමුකරගන්නා බව අනාවරණය වී අතැයි ද ඔවුහු කියති.

විවිද ව්‍යාපාරිකයන් විසින් රෝහලට කරන ලද පරිත්‍යාගයන් තම සමාජ මාධ්‍ය ඔස්සේ ප්‍රචාරය කරමින් එම ජාවාරම් කරුවන් විසින් මෙය සිදුකරන බව ද රෝහල් කමිටුව පවසයි.

එක්තරා පුද්ගලයකු සමාජ මාධ්‍ය ඔස්සේ ප්‍රචාරය කර තිබුණේ කරාපිටියේ නේවාසිකව සිටින කොරෝනා ආසාදිතයන්ට ආහාර පවා නොමැති බවයි. ඒ නිසා එම රෝගීන්ට පිහිටවීමට දායක වන ලෙස ඔහු සඳහන් කර තිබිණි.

එම පුද්ගලයාට අප ඇමතූ විට ඔහු කීවේ ආහාර සඳහා අවශ්‍ය භාණ්ඩ ඇති බැවින් දැන් රෝහලට වතුර ෆිල්ටරයක් ලබාදීමට කටයුතු සංවිධානය කරමින් සිටින බවකි. ඒ සඳහා තම පුද්ගලික ගිනුම් අංකය ද ලබාදිය හැකි බව හෙතෙම කීවේය. එමෙන්ම ඔහු පවසා සිටියේ කරාපිටිය ශික්ෂණ රෝහලේ සුබ සාධන අංශය භාරව කටයුතු කරන වෛද්‍ය කේසර දුලන්ත කුමාර සහ කොරෝනා වාට්ටුව භාරව සිටින වෛද්‍ය කමල් කොඩිකාර යන දෙදනාගේ උපදෙස් මත මෙම ව්‍යාපෘති දියත් කරන බවයි.

අප දන්නා පරිදි කරාපිටිය ශික්ෂණ රෝහලේ කොරෝනා ප්‍රතිකාර ඒකකය භාරව වෛද්‍ය කමල් කොඩිකාර කටයුතු කරන්නේ නැත. යම් ඒකකයක් භාරව කටයුතු කරන්නේ විශේෂඥ වෛද්‍යවරයකු පමණි. ඔහු නම් සඳහන් කරන වෛද්‍ය කොඩිකාර විශේෂඥ වෛද්‍යවරයකු නොවේ.

අපි මේ පිළිබද රෝහල් බලධාරීන්ගෙන් පැවසූ විට ඔවුන් කීවේ රෝහලේ සියලුම නේවාසික රෝගීන්ට රෝහලෙන් ම සියලු ආහාර සපයන අතර යම් උපකරණ හෝ මුදල් පරිත්‍යාග කරන්නේ නම් කිසිවකුගේ පුද්ගලික ගිනුම්වලට බැර නොකර එම මුදල් රෝහල් අධ්‍යක්ෂ මගින් ගිනුමකට බැර කරන ලෙසයි.

මේ දිනවල කොරෝනා රෝගීන් විඳින අපහසුතා සඳහන් කරමින් විවිධ පුද්ගලයන් මුදල් එකතුකිරීමේ ජාවාරමක් කරගෙන යන බවට තොරතුරු ලැබී ඇති බැවින් රෝහල් අධ්‍යක්ෂවරයාගේ අවධානය ද ඒ පිළිබඳ යොමු වි තිබේ.

කරාපිටිය රෝහලේ වෛද්‍යවරයකු ද තම facebook ගිනුමක විවිධ පරිත්‍යාගයන් පිළබඳ සඳහන් කර ඇති අතර ඔහුට ද මෙරට සහ විදෙස්ගතව සිටින පුද්ලයන් පරිත්‍යාග ලබා දී ඇති බව අපට අනාවරණය වී තිබේ. අප දන්නා හඳුනන කිහිප දෙනකු ද ඔහුට මුදල් පරිත්‍යාගයන් කර ඇතිඅතර කිසි දිනක වෛද්‍යමය කරුණු ගැන සාකච්ඡා නොකරන එම වෛද්‍යවරයාගෙන් යම් පරිත්‍යාගයක් කිරිමට කැමතියැයි යමකු ඇසූ ක්ෂණයකින් ඔහුගේ පුද්ගලික ගිනුම් අංකය inbox එකට ලැබෙයි.

කරාපිටිය ලංකා බැංකු ශාඛාවේ 4145– නමැති ගිනුම් අංකයක් එම වෛදයවරයා විසින් පරිත්‍යාගශීලීන්ට ලබා දෙනු ‍ලැබේ. (මෙම ගිනුමට මුදල් බැරකරන ලද ලදු පත් ද අප සතුව ඇත)

මුදල් පරිත්‍යාග කළ අය දැන් පවසන්නේ ඒ මුදල්වලින් කරන ලද දෙයක් ගැන එම වෛද්‍යවරයා තමන්ව දැනුම්වත් නොකරන බවයි. ඔවුහු දැන් මුදල් දීම ගැන පශ්චාත්තාප වෙති.

මේ ජාවාරම්කාරයන්ට නොරැවටෙන ලෙස ද රෝහලේ වෛද්‍යවරුන්ගේ නම් විකුණමින් සිදුකරන මුදල් එකතුකිරීම්වලට අසු‍ නොවන ලෙස ද රෝහල් පාලන අධිකාරිය ජනතාවගේ ඉල්ලා සිටියි.

අපවෙත සිය පුද්ගලික බැංකු ගිනුම ලබාදීමට හැකි බව පැවසූ පුද්ගලයා අප මේ පිළිිබඳ‍ කරුණු සොයන බව තේරුම් ගෙන පසුව යළි අපට ඇමතුමක් ගත්තේය. ඔහු කියා සිටියේ ගාල්ල කඩවත් සතර ප්‍රාදේශීය ලේකම් හිමාලි රත්නවීර සමඟ සම්බන්ධ වී ගාල්ලේ නිරෝධායනය වන අඩු ආදායම්ලාභී පවුල් සඳහා ද ආහාර ලබාදීමේ වැඩපිළිවෙලක් තමන් දියත්කළ බවයි.

අපි ඒ පිළිබඳ කඩවත් සතර ප්‍රාදේශීය ලේකම්වරියගෙන් විමසූ විට ඇය මෙසේ කීවාය.

“එක් පුද්ගලයෙක් කෑම පැකට් වගයක් බෙදනවා කියලා මගෙන් තොරතුරු වගයක් ගත්තා. ඒ ඉල්ලීමට තොරතුරු දුන්නා. නමුත් එය දීර්ඝකාලයක් විධිමත් ආකාරයෙන් ක්‍රියාත්මක වෙනවා ද කියා මා දන්නේ නැහැ. එය සංවිධානයකින් ක්‍රියාත්මක වෙනවානම් ගැටලුවක් නැහැ. නමන්ට පරිත්‍යාග කරන්න අවශ්‍යනම් පරිත්‍යාගයක් කළත් අපිට ගැටලුවක් නැහැ. නමුත් මෙවැනි වැඩපිළිවෙලක් තියෙනවා කියමින් facebook එකේ වට්ස්ඇප් ගෘෘප්වල සල්ලි හොයනවානම් ඒක වැරදියි. එහෙම සල්ලි හෝ භාණ්ඩ වෙනත් අයගෙන් එකතුකරන කතාවක් අපිට කිව්වෙත් නැහැ.”

මුදල් එකතුකරන පුද්ගලයා පුද්ගලික ආයතනයක සේවය කරයි. ඔහු තමන්ගේ මෙම පරිත්‍යාගවලට දායක වූ පුද්ගලයන් පිළිබද පැවසූ බැවින් අපි එවන් අයකුගෙන් විස්තර විමසූ විට ඔහු මෙසේ කීවේය.

“අපිනම් දන්නේ නෑ එහෙම දෙයක් කරනවා ද කියලා. එයා මොකක්ද කෑම ඩිලිවරි බිස්නස් එකක්නම් කලින් කළා. මේ ඒ බිස්නස් එකේම දිගුවක් වෙන්න ඇති.”

කරාපිටිය ශික්ෂණ රෝහලේ කොරෝනා රෝගීන් සිටින වාට්ටුවලින් විමසීමේ දී දැනගන්නට ලැබුණේ එවැනි වැඩපිළිවෙලක් නොමැති බවයි. විටින් විට රෝගීන්ගේ ඥාතීන් කෑම ගෙනවිත් දෙන බවත් රෝගීන් සියළු දෙනාට රෝහලේ මුළුතැන් ගේ පිසින ආහාර පාර්සල්කර ලබාදෙන බවත් ඔවුහු කීහ.

දින දෙකක් වෛද්‍ය කමල් කොඩිකාර දන්නා හඳුනන අයකු විසින් කෑම පාර්සල් කිහිපයක් 68 වාට්ටුවට ලබා දී තිබූ බව ද රෝහල් ප්‍රකාශකයකු කීවේය.

කරාපිටිය රෝහලේ වෛද්‍යවරු, හෙද හෙදියන්ගේ පවා සම්බන්ධ කරගනිමින් මුදල් සහ ආධාර එකතුකිරිම්වලට නොරැවටෙන ලෙස රෝහලේ පාලන අධිකාරිය ඉල්ලා සිටියි. යම් මුදල් පරිත්‍යාගයක් හෝ ද්‍රව්‍යමය පරිත්‍යාගයක් කරන්නේ නම් එය රෝහල් කමිටුව හරහා හෝ අධ්‍යක්ෂ කාර්යාලය අමතා හෝ සිදුකරන ලෙස ද දැනුම් දෙයි.

(මෙම ලිපිය හේතුවෙන් යම් පාර්ශවයකට අගතියක් සිදුව ඇතැයි යම් පුද්ගලයකු හෝ ආයතනයක් හෝ සංවිධානයක් හෝ සිතන්නේ නම් ඔවුන්ගේ කරුණු පැහැදිළි කිරීම් ද මෙවැනි අවකාශයක් ලබාදෙමින් පළකරන බව කරුණාවෙන් සළකන්න)

ඔබේ අදහස් දක්වන්න.

Latest articles

ආහාර විෂ වී හමුදාවේ පිරිසක් රෝහලේ

මඩකලපුව වාකරේ 233 වැනි බලසේනා මූලස්ථානයේ සෙබළු 16 දෙනෙක් ආහාර විෂ වී මඩකලපුව රෝහලට ඇතුළත් කළ බව යුද හමුදාව පවසයි.

පාර්ලිමේන්තු මන්ත්‍රීවරු නිල නිවාස රැසක් අවභාවිතා කරලා

පාර්ලිමේන්තු මන්ත්‍රීවරුන් වෙනුවෙන් කෝට්ටේ මාදිවෙළ ඉදිකර ඇති නිල නිවාස ලබාගත් මන්ත්‍රීවරුන්ගෙන් හරි අඩකටත් වැඩි පිරිසක් එම නිල නිවාස අවභාවිතා කර ඇතැයි හෙළි...

මානව වංශකතාව වෙනස් කළ, බණ්ඩාරවෙල නගරය ලෝකයේ ම අවදානයට ලක්වෙයි

ලෝකයේ මානව වංශකතාව අධ්‍යයනය කරද්දී සියලු පුරාවිද්‍යාඥයන්ට ශ්‍රී ලංකාව යනු ඉතාමත් වැදගත් රටකි. අප්‍රිකා මහද්වීපයේ දී අදින් වසර ලක්ෂ...

පොලිසියට ගලවන්න බැරි වූ කැලියල්පිටිය පන්සලේ යකඩ කට rata.lk අනාවරණයෙන් පසු ගැලවෙයි

දවුලගල පොලිස් බල ප්‍රදේශයේ පිහිටි කැලියල්පිටිය පුරාණ විහාරස්ථානයේ සවිකර තිබූ ශබ්ද විකාශන යන්ත්‍ර අද (22) ගලවා ඉවත්කර තිබේ. මෙම...

කොටස් වෙළෙඳ පොළ විජයග්‍රාහී වාර්තා රැසක් පිහිටුවයි

කොළඹ කොටස් වෙළෙඳ පොළ අද (22) දිනයේ වාර්තා රාශියක් පිහිට වූ අතර ගනුදෙනු 38,383ක් සිදුකරමින් දෛනික පිරිවැටුම රුපියල් මිලියන 4,462ක් බවට පත්විය.

කළු දිලීර රෝගය වැළඳුණු කොරෝනා ආසාදිතයෙක් ගාල්ලේ දී මියගිහින්

කොරෝනා ආසාදනය වී මියගිය පුද්ගලයකුට කළු දිලීර රෝගය හෙවත් මියුකෝමයිකෝසිස් වැළඳී ඇතැයි තහවුරු වූ බව කරාපිටිය ශික්ෂණ රෝහලේ අධිකරණ වෛද්‍ය අංශය පවසයි.මෙලෙස...

Expo Lanka වටිනාකම බිලියන 400 ඉක්මවූ මෙරට පළමු සමාගම බවට පත්වෙයි

කොළඹ ‍කොටස් වෙළෙඳ පොළ ඉතිහාසයේ වාර්තා අලුත් කරමින් Expo Lanka සමාගමේ සමස්ත වත්කම් රුපියල් බිලියන 400 ඉක්මවා අද (22) වාර්තා විය.

මළ සිරුරක් ඉල්ලා හදිසි මරණ පරීක්ෂකට පහරදීලා

මළ සිරුරක් ඉක්මණින් ලබාදෙන ලෙස ඉල්ලා කිසියම් පිරිසක් විසින් හදිසි මරණ පරීක්ෂකවරයකුට පහර දී ඇතැයි පොලිසිය කියයි. මෙලෙස...

ප්‍රාදේශීය සභාවේ සභාපති කොරෝනා සෑදී මරුට

යාපනයේ කරෙයිනගර් ප්‍රාදේශීය සභාවේ සභාපති එස්.කේතිස්වරන් කොරෝනා ආසාදිතව මියගිය බව සෞඛ්‍ය අංශ පවසයි. සභාපතිවරයා යාපනය ශික්ෂණ රෝහලේ ප්‍රතිකාර...

එන්නත්වලටත් මර්ධනය නොවන “ඩෙල්ටා ප්ලස්” ශ්‍රී ලංකාවේ පැතිරීමේ අවදානමක් ?

කොරෝනා වයිරසයේ තවත් ප්‍රභේදයක් ලෙස හඳුනාගෙන ඇති Delta + (ඩෙල්ටා ප්ලස්) ප්‍රභේදය ලෝකය පුරා රටවල් රැසක සීඝ්‍රයෙන් ව්‍යාප්තවෙමින් පවතින බවත් එය ශ්‍රී...
Back
Free WhatsApp News
Free Viber News
Messenger
Email
error: Content is protected !!