යාපනයේ කොරෝනා ආසාදිතයන් වාර්තාවීම සීඝ්‍රයෙන් ඉහළ ගොස් ඇතැයි යාපනය දිසාපති කනපතිපිල්ලෙයි මහේෂන් පවසයි.
මේ වනවිට දිස්ත්‍රික්කයේ ආසාදිතයන් 10,000ක් ඉක්මවා ඇති අතර මරණ 200ක් ද වාර්තා වී තිබේ.
ඔහු පවසන්නේ මේ වනවිට දිස්ත්‍රික්කයෙන් දෛනිකව ආසාදිතයන් 130කට වැඩි සංඛ්‍යාවක් වාර්තාවන බවයි.
දිසාපතිවරයා වැඩිදුරටත් මෙසේ ද කීවේය.
“මේ වනවිට යාපනයේ පවුල් 3019ක පුද්ගලයන් 8,616 දෙනකු ස්වයං නිරෝධායනයට යොමුකර තිබෙනවා. දැනට පවතින තත්වය ඉතාමත් අවදානම්. නිරෝධායන ඇඳිරිනීතිය බලපවත්වන කාලයේ දී නිවසට ම වී සිටිමින් මේ වසංගතය පාලනය කරගැනීම සඳහා සෞඛ්‍ය අංශවලට අවශ්‍ය සහයෝගය දෙන්න කියලා අපි ඉල්ලා සිටිනවා.”
