සිම්බාබ්වේ කණ්ඩායමට එරෙහිව ලබන මාසයේ දී එක්දින තරඟ 3ක් සහ විස්සයි විස්ස තරඟ 3ක් ක්‍රීඩා කරන බව පාකිස්තාන ක්‍රිකට් බලධාරීහු කියති. කෙරෝනා වයිරසය පැතිරීමේ අවදානම වළක්වා ගැනීම සඳහා ජෛව ආරක්ෂිත තත්ත්වයන් යටතේ මෙම තරඟාවලිය සංවිධානය කරන බව ද ඔවුහු කියති.
කොරෝනා වසංගතය අතරතුර ජාත්‍යන්තර ක්‍රිකට් තරඟ පැවැත්වූ පළමු රට බවට එංගලන්තය පත්විය. බටහිර ඉන්දීය කොදෙව්, පාකිස්තානය, අයර්ලන්තය සහ ඕස්ට්‍රේලියාව ජූලි සහ සැප්තැම්බර් අතර කාලය තුළ එංගලන්තයේ ක්‍රීඩා කළහ. ක්‍රීඩකයන් නිතිපතා පරීක්ෂණයකට භාජනය වූ අතර ක්‍රීඩාංගණයේ දී සහ හෝටලයේ දී ඔවුන්ට ආරක්ෂිත බුබුලෙන් ඉවත්වීමට ඉඩ නොලැබිණි.
