ඉන්දුනීසියාවේ ප්‍රවාහන අමාත්‍යාංශය පවසන්නේ, බැටික් එයාර් ගුවන් සේවයට අයත් යානයක ගුවන් නියමුවන් දෙදෙනෙකු මෑතදී ගුවන් ගමනක් අතරතුර නින්දට වැටීම සම්බන්දව පරීක්ෂණයක් ආරම්භ කර ඇති බවයි.
සෙනසුරාදා නිකුත් කරන ලද මූලික වාර්තාවකට අනුව, යානය, ජනවාරි 25 වන දින අග්නිදිග සුලවේසි පළාතේ කෙන්දරි සිට ජකර්තා අගනුවර දක්වා පියාසර කරන අතරතුර ගුවන් නියමුවා සහ සහායක නියමුවා එකවර මිනිත්තු 28 ක් නිදාගෙන ඇති අතර එමඟින් ගුවන් යානය නිවැරදි පියාසර මාර්ගයේ ගමන්කර නොතිබුණ බව සඳහන් වේ.
ඒම අවස්ථාවේ යානයේ මගීන් 153 දෙනෙකු සහ ගුවන් සේවිකාවන් හතර දෙනෙකු සිට තිබේ. යානයේ සිටි කිසිවෙකුට ගුවන් ගමන අතරතුර තුවාල සිදුවී නොමැති අතර යානයට කිසිදු හානියක් සිදුවී නොමැත.
BTK6723 නම් ගුවන් යානය පැය දෙකයි මිනිත්තු 35ක කාලයක් ධාවනය කර සාර්ථකව ජකර්තා වෙත ගොඩ බැස්සවූ බව වාර්තාවේ දැක්වේ.
වාර්තාවට අනුව, දෙවන අණදෙන නියමුවා ඔහුගේ සහය නියමුවාට “නිසි විවේකයක්” නොමැති බව පෙර දින දැනුම් දී ඇත.
සිද්ධියට පෙර ගුවන් ගමනේදී, දෙවන අණදෙන නිලධාරියාට “විනාඩි 30 ක් පමණ” නිදා ගැනීමට හැකි විය. යානය කෙන්දාරි වලින් පිටත් වී යාත්‍රා කරන උන්නතාංශයට ළඟා වූ පසු, නියමු අණදෙන නිලධාරියා විවේක ගැනීමට අවසර ඉල්ලා සිටි අතර දෙවන අණදෙන නිලධාරියා යානය භාර ගත්තේය. පසුව දෙවන අණදෙන නිලධාරියා ද නිනිදට වැටී ඇතැයි වාර්තාවේ දැක්වේ.
සහය නියමුවා විසින් අවසන් වරට පටිගත කරන ලද සම්ප්‍රේෂණයෙන් මිනිත්තු 12 කට පසු, ජකර්තා ප්‍රදේශ පාලන මධ්‍යස්ථානය (ACC) යානය සම්බන්ද වීමට උත්සාහ කළ නමුත් නියමුවන්ගෙන් පිළිතුරක් නොලැබුණු බව එහි සඳහන් වේ. අවසන් වරට පටිගත කරන ලද සම්ප්‍රේෂණයෙන් මිනිත්තු 28 කට පමණ පසු, නියමු අණදෙන නිලධාරියා අවදි වූ අතර යානය නිවැරදි පියාසැරි මාර්ගයේ නොමැති බව වටහා ගත්තේය. එම අවස්ථාවේදී ඔහු දෙවන අණදෙන නිලධාරියා අවදි කර ACC වෙත ප්‍රතිචාර දැක්වූ බව එහි සඳහන් වේ.
ප්‍රාථමික වාර්තාවේ සවිස්තරාත්මකව විස්තර කර ඇත්තේ ගුවන් නියමු අණදෙන නිලධාරියා ACC වෙත පැවසුවේ ගුවන් යානය “ගුවන්විදුලි සන්නිවේදන ගැටලුවකට” මුහුණ දී ඇති බවත් එය විසඳා ඇති බවත්ය.
වාර්තාවේ නියමුවන්ගේ නම් හෙළි නොකළ නමුත් නියමුවා 32 හැවිරිදි ඉන්දුනීසියානු ජාතිකයෙකු වන අතර දෙවන අණදෙන නිලධාරියා 28 හැවිරිදි ඉන්දුනීසියානු ජාතිකයෙකු බව හඳුනාගෙන ඇත. දෙවෙනි අණදෙන නිලධාරියාට මාසයක් වයසැති නිවුන් දරුවන් සිටි අතර “ඔහුගේ බිරිඳට ළදරුවන් රැකබලා ගැනීමට උපකාර කිරීම සඳහා කිහිප වතාවක්ම අවදි වීමට සිදු විය” යනුවෙන් වාර්තාවේ සඳහන් වේ.
“බටික් එයාර් සහ අනෙකුත් ගුවන් ගමන් ක්‍රියාකරුවන් සඳහා තෙහෙට්ටුව අවදානම් කළමනාකරණය සම්බන්ධයෙන් අපි ඉන්දුනීසියාවේ රාත්‍රී ගුවන් ගමන් මෙහෙයුම පිළිබඳ විමර්ශනයක් සහ සමාලෝචනයක් සිදු කරන්නෙමු” යනුවෙන් ඉන්දුනීසියානු බලධාරීහු පවසති.
https://edition.cnn.com/2024/03/10/asia/batik-air-pilots-asleep-indonesia-intl-hnk/index.html
