බ්‍රසීලයේ සාඕ පවුලෝ ප්‍රාන්තයේ අධික ගංවතුර සහ නායයෑම් හේතුවෙන් 36 දෙනෙකු මිය ගොස් ඇතැයි වාර්තා වේ.
ඉරිදා සමහර ප්‍රදේශවලට මිලිමීටර් 600 ට වැඩි වර්ෂාපතනයක් පතිත විය, එය මාසය සඳහා අපේක්ෂිත ප්‍රමාණය මෙන් දෙගුණයක් විය.
“අපි තවමත් හානියේ පරිමාණය තක්සේරු කර නැත. අපි විපතට පත් වූවන් බේරා ගැනීමට උත්සාහ කරමු.” දැඩි ලෙස පීඩාවට පත් වූ සාඕ සෙබස්තිඕ නගරයේ නගරාධිපති ෆෙලිපේ ඔගස්ටෝ පැවසීය.
නගරයේ දුසිම් ගනනක් අතුරුදහන් වී ඇති අතර නිවාස 50 ක් පමණ කඩා වැටී ගසාගෙන ගොස් ඇති බව ඔගස්ටෝ මහතා පැවසුවේය.
ප්‍රාන්ත රජය සාඕ සෙබස්තිඕ හි අවම වශයෙන් මරණ 35 ක් වාර්තා කර ඇති අතර ඊසාන දෙසින් කිලෝමීටර 80 ක් (සැතපුම් 50 ක්) ඔබ්බෙන් වූ උබටුබා නගරාධිපති පැවසුවේ තරුණ ගැහැණු ළමයෙකු මියගොස් ඇති බවයි. සිය ගණනක් අවතැන් වී ඉවත් කර ඇත.
කාළගුණ අංශ පවසන්නේ ඉදිරි දිනන කිහිපයේ ද තද වැසි ඇතිවිය හැකි බවයි.
පසුගිය වසරේ ගිනිකොනදිග පෙට්‍රොපොලිස් නගරයේ ධාරානිපාත වර්ෂාවෙන් පුද්ගලයන් 230කට වැඩි පිරිසක් මිය ගියහ.
