ශ්‍රී ලංකාව සහ මහජනතාව බංකොලොත් භාවයට පත් කිරීමට වගකිවයුතු පුද්ගලයකු වන හිටපු ජනාධිපති ගෝඨාභය රාජපක්ෂට ලබන අගෝස්තු 01 වැනි ද අධිකරණය හමුවේ පෙනී සිටින ලෙස නොතීසි නිකුත් කරන්න යැයි ශ්‍රේෂ්ඨාධිකරණය ඊයේ (27) නියෝග කළේ ය.
රට සහ මහජනතාව ආර්ථික අර්බුදයකට ඇද දැමූ පුද්ගලයන් සම්බන්ධයෙන් විමර්ශනයක් කරන ලෙස නියෝග කරන්න යැයි ඉල්ලා ගොනුකර තිබෙන මූලික අයිතිවාසිකම් පෙත්සම් විභාගයට ගත් ශ්‍රේෂ්ඨාධිකරණ පං පුද්ගල විනිසුරු මඩුල්ල විසින් මෙම නියෝගය නිකුත් කරන ලදී.
හිටපුප ජනාධිපතිවරයා අවසානයට පදිංචිව සිටි නිවසේ ලිපිනයට එම නොතීසි යවන ලෙස ද නියෝග කෙරිණි.
අගවිනිසුරු ජයන්ත ජයසූරිය, බුවනෙක අලුවිහාරේ, ප්‍රියන්ත ජයවර්ධන, විජිත් මලල්ගොඩ සහ එල්.ටී.බී.දෙහිදෙණිය යන අයගෙන් මෙම පංච පුද්ගල විනිසුරු මඩුල්ල සමන්විත වෙයි.
