බදු පනත් කිහිපයක් සංශෝධනය කිරීම සඳහා අමාත්‍ය මණ්ඩල අනුමැතිය ලැබී ඇත.
අමාත්‍ය මණ්ඩලය වෙත එම යෝජනාව ඉදිරිපත් කර ඇත්තේ මුදල්, ආර්ථික ස්ථායීකරණන සහ ජාතික ප්‍රතිපත්ති අමාත්‍යවරයා ලෙස අගමැති රනිල් වික්‍රමසිංහ විසිනි.
ඒ අනුව පහත සඳහන් පනත් සංශෝධනය කිරීමට නියමිතය.
1988 අංක 40 දරණ ඔට්ටු සහ සූදු බදු පනත
2002 අංක 14 දරණ එකතුකළ අගය මත බදු පනත
2003 අංක 3 දරණ මූල්‍ය කළමනාකරණ (වගකීම) පනත
2011 අංක 21 දරණ විදුලි සංදේශ බදු පනත
2017 අංක 24 දරණ දේශීය ආදායම් පනත
2019 දී ජනාධිපති ගෝඨාභය රාජපක්ෂ බලයට පත්වීමෙන් පසු එකතු කළ අගය මත බද්ද, පුද්ගල ආදායම් බද්ද, සංස්ථාපිත ආදායම් බද්ද යන බදුවල අනුපාත අඩු කිරීමෙන් රජයට ලැබුණු ආදායම් රැසක් අහිමිවිය.
රජයෙ ආදායම් ඉහළ නැංවීමේ අවහ්‍යතාව මත එම පනත් සංශෝධනය කිරීමට නියමිතව ඇත.
