ඒංගලන්තයේ නිරිත දිග ගල්පර වලින් සමන්විත ප්‍රදේශයක ලොව පැරණිතම ෆොසිල වනාන්තරය සොයාගෙන ඇතැයි විද්‍යාඥයින් පිරිසක් පවසති. සමර්සෙට් හි මයින්හෙඩ් අසල උස් වැලිගල් කඳුකරයේ එය පිහිටා තිබේ.
කේම්බ්‍රිජ් සහ කාඩිෆ් විශ්ව විද්‍යාලවල පර්යේෂකයන් පවසන්නේ බ්‍රිතාන්‍යයේ මෙතෙක් හමු වූ පැරණිතම පොසිල ගස් සහිිතපෘථිවියේ පැරණිතම වනාන්තරය ඒය බවයි.
කැලමොෆයිටන් ලෙස හඳුන්වන ගස් තල් ගස්වලට සමාන ගස් වර්ගයක් ලෙස මේවා හඳුනාගෙන ඇති අතර වර්තමානයේ ගස්වල මූලික අවස්ථාවක් ලෙස විස්තර කර ඇත. විශාලතම ගස් මීටර් දෙකත් හතරත් අතර උස විය.
පර්යේෂකයන් විසින් ශාකවල පොසිල සහ ඒවායේ සුන්බුන් මෙන්ම පොසිලීකරණය වූ ගස් වල කඳන් සහ මුල්වල සලකුණු හඳුනා ගන්නා ලදී.
අධ්‍යයනයට සම්බන්ධ නොවූ ස්වභාවික ඉතිහාස කෞතුකාගාරයේ ශාක පොසිල පිළිබඳ විශේෂඥ වෛද්‍ය පෝල් කෙන්රික් පැවසුවේ එකල ශාක එකට වැඩුණු ආකාරය පිළිබඳ මෙම ඉඟි ගැඹුරින් වැදගත් වූ බවයි.
පර්යේෂකයන් පවසන්නේ ෆොසිල වනාන්තරය නිව් යෝර්ක් ප්‍රාන්තයේ මීට පෙර වාර්තා වූ වාර්තාවට වඩා වසර මිලියන හතරක් පමණ පැරණි බවයි.
එය ඩෙවෝන් සහ සමර්සෙට් වෙරළ තීරයේ හැන්ග්මන් වැලිගල් නිර්මාණයෙන් හමු වූ අතර එය ජීවය ගොඩබිමට විශාල ප්‍රසාරණය වූ කාලය වන වසර මිලියන 419 සිට 358 දක්වා ඩෙවෝනියානු යුගය දක්වා දිව යයි.
පර්යේෂකයන් පවසන්නේ මෙම සොයාගැනීම් ප්‍රදේශය එවකට අර්ධ ශුෂ්ක තැනිතලාවක් වූ අතර එය එංගලන්තයට නොව ජර්මනියේ සහ බෙල්ජියමේ ප්‍රදේශවලට සම්බන්ධ වූ අතර එවැනි ගස්වල පොසිල ද හමු වී ඇති බවයි.
කේම්බ්‍රිජ් හි භූ විද්‍යා දෙපාර්තමේන්තුවේ මහාචාර්ය නීල් ඩේවිස් පැවසුවේ “මෙය ඉතා අමුතු වනාන්තරයක්, ඒය අද ඔබ දකින ඕනෑම වනාන්තරයක් මෙන් නොවේ.
ස්වභාවික ඉතිහාස කෞතුකාගාරයේ ආචාර්ය කෙන්රික් පැවසුවේ ඒ්වා අද අප දන්නා ගස්වලට වඩා බොහෝ වෙනස් ගස් බවයි. ඒ්වාට වඩාත්ම සමාන වර්ථමානයේ දැකිය හැකි ශාක වර්ගය වන්නේ ඩික්සෝනියා ඇන්ටාක්ටිකා නම් ඕස්ට්‍රේලියාවට ආවේණික වූ ගස් පර්ණාංග වර්ගයකි, විසිතුරු ශාකයක් ලෙස බ්‍රිතාන්‍යයේ ජනප්‍රියයි.
