රටේ ආර්ථිකය පිළිබඳ මුදල් රාජ්‍ය අමාත්‍ය රංජිත් සියඹලාපිටිය පවසන්නේ වාසිදායක තොරතුරු පමණක් බවත්, අවාසි සහගත තොරතුරු ප්‍රකාශ කිරීමෙන් වැළකී සිටින බවත් Factchek.LK සිදුකළ දත්ත පිරික්සුමක දී අනාවරණය වී තිබේ.
අමාත්‍ය රංජිත් සියඹලාපිටිය පසුගිය දා කියා සිටියේ ශ්‍රී ලංකාව රාජ්‍ය මූල්‍ය ස්ථාවරත්වය ළඟා කර ගැනීමේ දී අඛණ්ඩ ප්‍රගතියක් ලබමින් සිටිින බවයි. 2023 පළමු කාර්තුවේ දී ශ්‍රී ලංකාව රුපියල් බිලියන 48ක ධනාත්මක ප්‍රාථමික ශේෂයක් අත්පත්කරගෙන ඇති බවත් එය එම කාර්තුව සඳහා ජාත්‍යන්තර මූල්‍ය අරමුදල ප්‍රක්ෂේපණය කර තිබූ රුපියල් බිලියන 56ක සෘණ ශේෂය ඉක්මවා යාමක් බවත් රාජ්‍ය අමාත්‍යවරයා පවසයි. ප්‍රාථමික ශේෂය යනු පොළී ගෙවීම් හැර ආදායම සහ වියදම අතර වෙනසයි.
නමුත්, රාජ්‍ය අමාත්‍යවරයා විසින් ආදායම්, සහ පොළී පිරිවැය වැනි අනෙකුත් වැදගත් දර්ශක නොසලකා හරිමින්, මූල්‍ය ක්‍රියාකාරිත්වයේ එක් පටු දර්ශකයක් කෙරෙහි පමණක් සිය අවධානය යොමු කරමින් තෝරාගැනීම සිදුකර ඇත.
අන්තර්ජාතික මූල්‍ය අරමුදලේ ඉලක්කවලට අනුව,
1) 2023 පළමු කාර්තුව අවසන් වන විට රුපියල් බිලියන 650ක බදු ආදායමක් එකතු කරගත යුතු වේ.
2) ද්විපාර්ශවික සහ වානිජමය ණයවල නොගෙවූ පොළී මුදල් ද ඇතුළත් වන පරිදි සකස් කෙරුණු 7.2%ක ඵලදායී පොළී අනුපාතිකයක් 2023 වසරේ පවත්වාගත යුතු වේ.
පවතින දත්ත මත FactCheck.lk විසින් සිදු කරන ලද ගණනය කිරීම් මත පදනම්ව ගත්විට, 2023 පළමු කාර්තුව සඳහා අපේක්ෂිත පොළී පිරිවැය රුපියල් බිලියන 500 ට වඩා අඩු බව පෙනී යයි.
නමුත්, මුදල් අමාත්‍යාංශයේ වාර්ෂික (MoFAR) වාර්තාවලට අනුව ජාත්‍යන්තර මූල්‍ය අරමුදල (IMF) විසින් නියම කරන ලද බදු ආදායම් ඉලක්කය වූ රුපියල් බිලියන 650 ක මුදල රජය විසින් සපුරා ගෙන නොමැති අතර, රැස්කරගෙන ඇත්තේ රුපියල් බිලියන 578 ක් පමණි.
එමෙන්ම, එම කාලසීමාවේ ගෙවා ඇති පොළී පිරිවැය රුපියල් බිලියන 673.1 කි.එනම් පොළී ගෙවීම් ගත්විට රුපියල් බිලියන 500 ට වඩා අඩු අපේක්ෂිත පොළී පිරිවැය සැළකිය යුතු ලෙස ඉක්මවා ගොස් ඇත.
2023 පළමු කාර්තුව සඳහා ශ්‍රී ලංකාව ප්‍රාථමික ශේෂ ඉලක්කය ඉක්මවා ක්‍රියාකිරීම පිළිබඳව රාජ්‍ය අමාත්‍යවරයාගේ ප්‍රකාශය නිවැරදි වුවත්, ශ්‍රී ලංකාව මූල්‍ය ස්ථාවරත්වයට අදාළ අනෙකුත් ජාත්‍යන්තර මූල්‍ය අරමුදලෙහි (IMF) තීරණාත්මක දර්ශක සපුරා නොමැති බව සැළකිල්ලට ගත යුතුය. එය වැදගත් කරුණකි. රාජ්‍ය මූල්‍ය ස්ථායීතාවයේ පුළුල් ප්‍රකාශය සඳහා සහාය වීමට රාජ්‍ය මූල්‍ය කාර්ය සාධනයේ එක් දර්ශකයක් සපුරාලීම පමණක් ප්‍රමාණවත් නොවේ.
මේ අනුව, අපි රාජ්‍ය අමාත්‍යවරයා ප්‍රකාශ කරන්නේ රජයට වාසිදායක කරුණු පමණි. අවාසිදායක මට්ටමේ ඇති කරුණු ගැන ඔහු කිසිවක් ප්‍රකාශ කරන්නේ නැත.
මෙම ලිපිය සම්පූර්ණයෙන් ම මෙතැනින්
