ඊශ්‍රායලයේ ආන්ඩුව විසින් ඉදිරිපත්කර ඇති අධිකරණ ප්‍රතිසංස්කරණ සැලසුම් වලට එරෙහිව 80,000කට වැඩි පිරිසක් ටෙල්අවිව් නගරයට රැස්වී විරෝධතා දැක්වූහ.
නව ප්‍රතිසංස්කරණ මගින් පාර්ලිමේන්තුවට ශ්‍රේෂ්ඨාධිකරණ තීන්දු ප්‍රතික්‍ෂේප කිරීමට පහසු වනු ඇතැයි විරෝධතාකරුවෝ පවසති. ඔවුන් වැඩිදුරටත් පවසන්නේ මෙම ප්‍රතිසංස්කරණ මගින් අධිකරණ ස්වාධීනත්වය අඩපණ කිරීම, දූෂණය පෝෂණය කිරීම, සුළුතර අයිතීන් පසුබැසීම සහ ඊශ්‍රායලයේ අධිකරණ පද්ධතිය විශ්වාසනීයත්වය අහිමි කිරීම යනාදිය සිදුවන බවයි.
අගමැති බෙන්ජමින් නෙතන්යාහුගේ යෝජිත වෙනස්කම් ප්‍රජාතන්ත්‍රවාදී පාලනයට එරෙහි ප්‍රහාරයක් ලෙස විරෝධතාකරුවෝ පැවසූහ.
වත්මන් රජය, ඊශ්‍රායල ඉතිහාසයේ වඩාත්ම ආගමික හා දැඩි මතවාදී කණ්ඩායම ලෙස විචාරකයෝ සඳහන් කරති.
ජෙරුසලමේ අග‍්‍රාමාත්‍යවරයාගේ නිවසින් පිටත සහ උතුරු නගරය වන හයිෆාහි ද රැලි පැවැත්වුණු බව ප‍්‍රාදේශීය මාධ්‍ය වාර්තා කළේය.
නෙතන්යාහු මහතාගේ නායකත්වයෙන් යුත් නව සභාගය ලැජ්ජා සහගත රජයක් ලෙස බැනර්වල සඳහන් විය.
විරුද්ධ වූවන් අතර ඊශ්‍රායලයේ ශ්‍රේෂ්ඨාධිකරණයේ අගවිනිසුරු එස්තර් හයාත් සහ එරට නීතිපති ද වේ.
තම නම භාවිතා නොකරන ලෙස ඉල්ලා සිටි එක් කාන්තාවක් කඳුළු සළමින් පැවසුවේ, “මගේ දෙමව්පියන් ආවේ ඒකාධිපති පාලන තන්ත්‍රයෙන් මිදී නිදහසේ ජීවත් වීමටයි. ඉතින් ඒ විනාශය දැකීම හද කම්පා කරවන සුළුයි.”
ඇය සහ ඇගේ මිතුරිය පැවසුවේ නෙතන්යාහු මහතා රැඩිකල් වෙනස්කම් වලට උත්සාහ කරනු ඇතැයි තමන් අපේක්ෂා කළ නමුත් ඔවුන් මෙතරම් වේගයෙන් පැමිණෙනු ඇතැයි කිසි විටෙකත් නොසිතූ බවයි.
දෙසැම්බරයේ නෙතන්යාහුගේ නව සභාග ආන්ඩුව දිවුරුම් දීමෙන් පසු සිදුවූ විශාලතම ජනතා නැගිටීම මෙය වේ.
“ප්‍රජාතන්ත්‍රවාදය සුරැකීමට” සහ සැලසුම් කර ඇති අධිකරණ ප්‍රතිසංස්කරණයට විරෝධය පළ කරමින් විරෝධතාවයට එක්වන ලෙස විරුද්ධ පක්ෂ ඊශ්‍රායල ජාතිකයන්ගෙන් ඉල්ලා තිබුණි.
මෙම මස මුලදී අධිකරණ අමාත්‍ය යාරිව් ලෙවින් විසින් ප්‍රකාශයට පත් කරන ලද සැලසුම් යටතේ, ශ්‍රේෂ්ඨාධිකරණ තීන්දු ඵලදායී ලෙස අවලංගු කිරීමට Knesset (පාර්ලිමේන්තුව) හි සරල බහුතරයකට බලය ඇත.
නෙතන්යාහුගේ දැනට පවතින අපරාධ නඩු විභාගය අහෝසි කිරීමට නව රජය මෙය භාවිතා කරනු ඇතැයි විවේචකයෝ බිය වෙති, නමුත් රජය එය කරන බව පවසා නැත.
අල්ලස්, වංචා සහ විශ්වාසය කඩකිරීම යන චෝදනා මත නෙතන්යාහු මහතාට එරෙහිව නඩු විභාග වෙමින් පවතී.
තේරීම් කමිටුවේ බොහෝ සාමාජිකයින් පාලක සභාගයෙන් පැමිණෙන බැවින්, ප්‍රතිසංස්කරණ මගින් විනිසුරුවන් පත් කිරීම කෙරෙහි දේශපාලනඥයන්ට වැඩි බලපෑමක් ලබා දෙනු ඇත.
එය නීතියක් බවට පත් වුවහොත්, ශ්‍රේෂ්ඨාධිකරණයේ අභියෝග ගැන කනස්සල්ලෙන් තොරව වාඩිලාගෙන සිටින බටහිර ඉවුරේ යුදෙව් ජනාවාසවලට පක්ෂව නීති සම්පාදනය කිරීම රජයට පහසු වනු ඇත.
එවැනි පියවරයන් පිළිබඳ ජාත්‍යන්තර විවේචන මොට කිරීමේ මාර්ගයක් ලෙස ඊශ්‍රායලය මීට පෙර උසාවියට එරෙහිව තීන්දුවක් දීමට ඇති බලය ඉස්මතු කර ඇත.
