කොරෝනා පැතිරීමේ සීඝ්‍රතාව 10%කින් පමණ ඉහළ ගොස් ඇතැයි සෞඛ්‍ය අමාත්‍යාංශයේ කොරෝනා සම්බන්ධීකාරක සහ තාක්ෂණ සේවා අධ්‍යක්ෂ වෛද්‍ය අන්වර් අම්දානි පවසයි.
මේ හේතුවෙන් නැවත සෞඛ්‍ය මාර්ගෝපදේශ තදින් පිළිපැදීම අත්‍යාවශ්‍ය බව ද හෙතෙම සඳහන් කළේය.
සෑම දිනකම කොරෝනා මරණන 4-5ක් පමණ මේ වනවිට වාර්තාවන බවත් දෛනිකව හමුවන රෝගීන් සංඛ්‍යාව ද වේගයෙන් ඉහළ යමින් පවතින බවත් වෛද්‍ය අම්දානි කියයි.
කොරෝනා එන්නත් කිරීම සාර්ථක ව සිදුකර ඇති බැවින් ප්‍රතිශක්තීකරණයක් ජන සමාජයේ ඇති බැවින් රෝගීන් නිවෙස්වල ම කළමනාකරණය කිරීමේ හැකියාවක් ඇතැයි ද එබැවින් රෝගීන් වාර්තාවන ප්‍රදේශ වසා දැමීමේ අවශ්‍යතාවක් නැතැයි ද ඔහු කීවේය.
මේ දක්වා කොරෝනා එන්නත් ලබාගෙන නැති පුද්ගලයන් සිටීනම් හැකි ඉක්මණින් එන්නත්කරණයට යොමුවන ලෙස ද සෞඛ්‍ය අංශ ඉල්ලා සිටියි.
කෙසේ වෙතත් කොරෝනා පැතිරීම සුළුවෙන් තැකිය නොහැකි දෙයක් බව ද ඔහු පවසයි.
