මෙවර උසස් පෙළ විභාගයට පෙනී සිටින සිසුවියක් කරන්දෙණියේ දී බසයක ගැටීමෙන් බරපතල තුවාල ලබා රෝහල්ගත කිරීමේ පුවත ඊයේ (14) මාධ්‍ය මගින් වාර්තා කෙරිණි.
එම දැරිය මේ වනවිට කරාපිටිය ශික්ෂණ රෝහලේ ප්‍රතිකාර ලබමින් සිටින අතර ඇයගේ තත්ත්වය තරමක් බරපතල වුව ද ජීවිත අවදානමක් නොමැති බව වෛද්‍යවරු කියති.
මේ වනවිට එම අනතුරට සම්න්ධ CCTV දර්ශන මාධ්‍යයට නිකුත් වී තිබේ.
එම දර්ශන පරීක්ෂා කළ ඔබට යම් විශේෂ කරුණක් පෙනී යනු නොඅනුමානයි. දැරිය මාර්ගයේ වම් පසින් (යා යුතු වන්නේ දකුණි) ඉදිරියට ගමන් කරන අතරතුර ඇයගේ ඉදිරියට මාර්ගයේ දකුණු පැත්තේ (වමින් ධාවනය කළ යුතු) යතුරුපැදියක් පැමිණෙයි. මේ නිසා සිසුවියට පාරේ තවත් අයිනට වීමට ඇති ඉඩ ඇහිරෙන බව පැහැදිලි කරුණකි. මේ යතුරුපැදි කරු සිසුවිය පසුකරනවාත් සමග බස් රථය පැමිණේ. අනතුරුව ඇය බසයේ හැපේ. යතුරුපැදිකරු නැවතී ආපසු හැරී බලා එතැනින් ඉවත්වෙයි.
යතුරුපැදිකරු මේ අනතුරේ ප්‍රධාන සාධකයක් නොවන්නේ ද ?
