කොළඹ දිස්ත්රික්කයේ පොලිස් වසම් 04කට පනවා ඇති සංචරණ සීමා හෙට (23) උදෑසන 5.00 සිට ඉවත් කරන බව යුද හමුදාපති ලුතිනන් ජෙනරාල් ශවේන්ද්ර සිල්වා මහතා පවසයි.
ඒ අනුව බොරැල්ල, වැල්ලම්පිටිය, කොටුව හා කොම්පඤ්ඤවීදිය යන පොලිස් වසම්වලට පනවා ඇති සංචරණ සීමා ඉවත් කෙරේ.
කොළඹ දිස්ත්රික්කයේ පොලිස් වසම් 13ක තවදුරටත් හුදකලාභාවය පවතින බව ද යුද හමුදාපතිවරයා සඳහන් කළේය.
කොම්පඤ්ඤවීදියේ පිහිටි වෑකන්ද ග්රාම නිලධාරී වසම හා බොරැල්ලේ පිහිටි වනාතමුල්ල ග්රාම නිලධාරී වසම තවදුරටත් හුදකලා කර පවතී.
මේ අතර ගම්පහ දිස්ත්රික්කයේ ජා – ඇළ හා කඩවත යන පොලිස් වසම් දෙකේ ද සංචරණ සීමා හෙට උදෑසන ඉවත් කරයි.
ගම්පහ දිස්ත්රික්කයේ පොලිස් වසම් 05ක සංචරණ සීමා තවදුරටත් බලපැවැත්වෙන බව යුදහමුදාපතිවරයා සඳහන් කළේය.
ගම්පහ දිස්ත්රික්කයේ තවදුරටත් හුදකලා කර ඇති ප්රදේශ
- මීගමුව
- වත්තල
- පෑලියගොඩ
- රාගම
- කැලණිය
අටලුගම ප්රදේශයේ හුදකලා කර ඇති ග්රාම නිලධාරී වසම්,
- බෝගහවත්ත
- බමුණුමුල්ල මුස්ලිම් ප්රදේශය
- හිරිමන්තුඩාව
- කෝරාවල
- අටලුගම බටහිර
- බමුණුමුල්ල
- ගලහමණ්ඩිය
