උඩදියළුම දී වන අලි ප්‍රහාරයකින් මියගිය තරුණියගේ පෙම්වතා සම්බන්ධයෙන් ඇති වූ සැකයක් මත ඔහු අත්අඩංගුවට ගෙන බණ්ඩාරවෙල අධිකරණයට ඉදිරිපත් කිරීමෙන් පසු ජුනි මස 08 වැනි දා දක්වා රිමාන්ඩ් කර තිබේ.
ඔහු අත්අඩංගුවට ගෙන ඇත්තේ ලබාදුන් සාක්ෂි එකිනෙක පරස්පර වීම හේතුවෙනි.
පසුගිය මැයි මස 11 වැනි දා මෙම යුවළ කොස්ලන්ද දියළුම ඇල්ලේ ඉහළ කොටසට පැමිණ රාත්‍රී කඳවුරුගත වී තිබිණි. පසු දා උදෑසන තරුණයා දුරකථන ඇමතුම් ගනිමින් පවසා ඇත්තේ ඔවුන්ට වන අලියකු පහරදුන් බවයි.
සිද්ධිය සම්බන්ධයෙන් කොස්ලන්ද පොලිසිය වැඩිදුර විමර්ශන පවත්වයි.
