ඕමන්ත ප්‍රදේශ‍යේ දී අද (26) අලුයම සිදු වූ රිය අනතුරකින් ඉන්දීය කොන්සල් කාර්යාලයේ සේවයකළ නිලධාරියකු මියගොස් ඇතැයි පොලිසය පවසයි.
මෙලෙස මියගොස් ඇත්තේ සජිතානන්ද ප්‍රභාගර් කුරුක්කල් නමැති 52 හැවිරිදි අයෙකි. එම අනතුරින් ඔහුගේ බිරිඳ, පුතා සහ මාමණ්ඩිය තුවාල ලබා වව්නියාව රෝහලට ඇතුළත් කර තිබේ.
ඔවුන් කොළඹ සිට යාපනය දක්වා මෝටර් රථයෙන් ගමන් කරමින් සිටිය දී යාපනය සිට ඕමන්ත දක්වා ධාවනය වූ ටිපර් රථයක ගැටී අනතුර සිදුව ඇතැයි පොලිසිය සඳහන් කරයි.
අනතුර සම්බන්ධ වැඩිදුර විමර්ශන කටයුතු ඕමන්ත පොලිසිය සිදුකරයි.
