ගැබිනි සහ ගැබිනිබව අපේක්ෂාකරන කාන්තාවන් සඳහා වෛද්‍යවරු විසින් නිර්දේශ folic acid tablets BP1mg ප්‍රමිතියෙන් බාල පෙති කෝටි 55,245 කට වැඩි ප්‍රමාණයක් කාන්තාවන් සඳහා ලබාදී ඇතැයි කෝපා කමිටුවේ දී අනාවරණය වී තිබේ.
2013 – 2015 දක්වා කාලයේ දී ශ්‍රී ලංකාවට ගෙන්වා ඇති එම පෙති තොගය ප්‍රමිතියෙන් තෙරවීම හේතුවෙන් භාවිතයෙන් ඉවත් කර තිබුණ ද ඉන් 98%ක් ම බෙදා දී ඇත.
එම පෙති ගෙන්වීම සඳහා රුපියල් කෝටියකට ආසන්න මුදලක් වැයකර ඇති බව ද අනාවරණය වෙයි.
සෞඛ්‍ය අමාත්‍යාංශයේ බලධාරීන් පවසන්නේ යම් ඖෂධකයක් ශ්‍රී ලංකාවට ලැබුණු වහාම එය භාවිතයට නුසුදුසු හෝ තත්වයෙන් බාල යැයි හඳුනාගැනීමේ ක්‍රමවේදයක් නොමැති බවයි. එලෙස ඉක්මණින් ඖෂධව තත්වය හඳුනාගත හැකිනම් අලාභය සැපයුම්කරුවන්ගෙන් අයකරගත හැකි බව ද ඔවුහු කියති.
