උතුරු ඇෆ්ගනිස්ථානයේ කුන්දුස් නගරයේ, සුන්නි මුස්ලිම් පල්ලියක සිදුවූ පිපිරීමකින් පුද්ගලයන් 33 දෙනෙකු ජීවිතක්ෂයට පත්ව තවත් දුසිම් ගනනකට තුවාල ලබා ඇති බව බලධාරීහු පවසති.
තලෙයිබාන් ප්‍රකාශක සහිබුල්ලා මුජාහිද්, ට්විටර් පණිවුඩයක් නිකුත් කරමින් මිය ගිය සංඛ්‍යාව තහවුරු කර ඇති අතර පුද්ගලයින් 43 දෙනෙකු ද තුවාල ලබා ඇති බව පැවසීය.
සිකුරාදා(22) යාඥාව අතරතුර පල්ලියට පහර දුන් බව ප්‍රාදේශීය අණදෙන නිලධාරියා පවසා ඇති අතර පිපිරීම පිටුපස සිටින්නේ කවුරුන්ද යන්න පැහැදිලි නැති බවද හෙතෙම වැඩිදුරටත් පැවසීය.
බ්‍රහස්පතින්දා (21) උතුරු නගර වන කුන්දුස් සහ මසාර්-ඉ-ෂරීෆ් වෙතින් ද පිපිරීම් කිහිපයක් වාර්තා විය.
ඇෆ්ගනිස්ථානයේ තලෙයිබාන් පාලකයින් අගෝස්තු මාසයේ බලයට පත්වීමෙන් පසු රට සුරක්ෂිත කර ඇති බව පවසන නමුත් ජාත්‍යන්තර නිලධාරීන් සහ විශ්ලේෂකයින් පවසන්නේ සටන්කාමීන් යළි හිස එසවීමේ අවදානම තවමත් පවතින බවයි.
