කොරෝනා වසංගතය මේ වනවිට ශ්‍රී ලංකාවේ දිස්ත්‍රික්ක පහක පැතිරී ඇති බැවින් වහාම එම දිස්ත්‍රික්ක මායිම් හරහා සංචරණය කිරීම වැළැක්වීමට අවශ්‍ය කඩිනම් පියවර ගන්නා ලෙස රජයේ වෛද්‍ය නිලධාරීන්ගේ සංගමය ඉල්ලා සිටියි.
එම සංගමයේ ලේකම් වෛද්‍ය හරිත අලුත්ගේ මහතා මෙසේ කීවේය.
“ මේ වනවිට කොළඹ, ගම්පහ, කළුතර, කුරුණෑගල හා කෑගල්ල දිස්ත්‍රික්ක පහ තුළ වසංගතය ව්‍යාප්තවී කෙන්ද්‍රගතව තිබෙනවා. මේ දිස්ත්‍රික්කවල ජනතාව වෙනත් දිස්ත්‍රික්කයන් වෙත සංක්‍රමණය වීමෙන් වසංගතය තවදුරටත් සම්ප්‍රේෂණය වීමේ දැඩි අවදානමක් තිබෙනවා. ඒ නිසා දිස්ත්‍රික් මායිම් හරහා ගමන්කිරීම වැළැක්වීමට වහාම තීන්දුවක් ගන්නා ලෙස අපිප ජනාධිපති කාර්ය සාධක බලකායටත්, සෞඛ්‍ය අමාත්‍යාංශයටත් යෝජනා කළා.”
රජයේ වෛද්‍ය නිලධාරීන්ගේ සංගමය පවසන්නේ ඉක්මණින් මෙම තීරණය නොගතහොත් පෑලියගොඩ පොකුර වැනි තවත් පොකුරු රට පුරාම වාර්තාවිම වැළැක්විය නොහැකි බවයි.
