බොරැල්ල රිජ්වේ ආර්යා ළමා රෝහලේ ප්‍රතිකාර ලබමින් සිටි වයස අවුරුදු 2යි මාස 06ක් වයසැති දරුවකුට සහ මවට කොරෝනා ආසාදනය වී ඇතැයි සෞඛ්‍ය අංශ පවසයි. මොවුන් වැල්ලම්පිටිය ප්‍රදේශයේ පදිංචිකරුවන්ය.
රෝහල් අධ්‍යක්ෂ වෛද්‍ය ජී. විජේසුන්දර මහතා කියා සිටියේ මවට හා දරුවාට ඇති රෝග ලක්ෂණ පිළිබඳ තිබූ සැකය හේතුවෙන් ඔවුන් වෙන්කර තබා පීසීආර් පරීක්ෂණ සඳහා ජෛව සාම්පල ලබාගත් බවයි. ඔවුන් වෙන්කර තබා තිබූ බැවින් රෝහල් කාර්ය මණ්ඩලය මේ දෙදෙනාට නිරාවරණය වී නොමැති බව ද වෛද්‍යවරයා වැඩිදුරටත් කියා සිටියේය.
