පෝලන්තයෙන් හමුවූ දෙවන ලෝක යුධ සමයට අයත් දැවැන්ත බෝම්බයක් නිෂ්ක්‍රීය කිරීම සඳහා 750ක පමණ පිරිසක් සිය නිවාස වලින් ඉවත් කිරීමට සිදුවී තිබේ. මෙය මෙතෙක් පෝලන්තයෙන් හමුවී ඇති විශාලම බොම්බය බවත් මෙහෙයුම සඳහා දින පහක් පමණ ගතවනු ඇති බවත් නාවුක හමුදාව පවසයි.

බ්‍රිතාන්‍ය රාජකීය ගුවන් හමුදාව විසින් භාවිතා කරන ලද මෙය “භූමිකම්පා” බෝම්බය ලෙස නම්කර ඇත. ඒහි බර කිලෝග්‍රෑම් 5,400ක් පමණ වන අතර පුපුරන ද්‍රව්‍ය කිලෝග්‍රෑම් 2,500ක් පමණ අඩංගු වන බවට ගනනය කර තිබේ.

බෝල්ටික් මුහුද ඔ්ඩර් ගඟ හා සම්බන්ද කරන පියස්ට් ඇළ මාර්ගයෙන් බෝම්බය සොයාගත් අතර ඒය 1945 වර්ෂයේදී ජර්මනියේ ලුට්සොව් යුධ නැවට හෙළනු ලැබූ ඒකක් බව පැවසේ.