හලාවත පදිංචි කොරෝනා ආසාදිත පුද්ගලයකු පසුගිය සැප්තැම්බර් 23 වැනි දා ජාත්‍යන්තර පොත් ප්‍රදර්ශනයට සහභාගී වී ඇතැයි කොරෝනා පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

මෙම පුද්ගලයා හලාවත අඹකඳන්විල පදිංචි 36 හැවිරිදි තැනැත්තෙකි. රෝගීවීමෙන් පසු පෞද්ගලික වෛද්‍ය මධ්‍යස්ථානයකින් ප්‍රතිකාර ලබාගත් මෙම පුද්ගලයාගේ පීසීආර් පරීක්ෂණය සිදුකර ඇත්තේ පසුගිය 06 වැනි දා ය. 23 වැනි දින ජාත්‍යන්තර පොත් ප්‍රදර්ශනයට ඔහු සහභාගීවන අවස්ථාව වනවිට කොරෝනා ආසාදනය වී තිබුණේ නම් කොරෝනා පැතිරීමේ දැඩි අවදානම් තත්ත්වයක් පවතින බව සෞඛ්‍ය අංශ පෙන්වාදෙයි.

එදින කොළඹ බස් නැවතුම් පොළේ රැඳී සිටි බවත් පසුව සැප්තැම්බර් 30 වැනි දා නුවරඑළිය දක්වා ගොස් ඇති බව ද අනාවරණය වී තිබේ.