කොග්ගල ඇඟළුම් කර්මාන්තශාලාවක සේවිකාවන් 12 දෙනකු ඇතුළු 13 දෙනකු අද (09) උදෑසන රෝහල්ගත කර ඇතැයි කරාපිටිය ශික්ෂණ රෝහල් පොලිසිය පවසයි.

කොග්ගල නිහස් වෙළෙඳ කලාපයේ ඇඟළුම් කම්හල වෙත ඔවුන් ප්‍රවාහනය කරමින් තිබූ වෑන් රථය උණවටුනේ දී බස් රථයක ගැටීමෙන් තුවලා ලබා මෙලෙස රෝහල්ගත කර තිබේ. වෑන් රථයේ රියදුරා ද බරපතල තුවාල ලබා රෝහලට ඇතුළත් කර සිටියි.

පොලිසිය පවසන්නේ කොළඹ සිට මාතර දක්වා ධාවනය වෙමින් තිබූ පුද්ගලික බසයක් උණවටුන හන්දියේ නතර කළ අවස්ථාවේ පිටුපසින් පැමිණි වෑන් රථය ‍බසයේ ගැටී ඇති බවයි.

හබරාදුව පොලිසිය අනතුර සම්බන්ධයෙන් වැඩිදුර පරීක්ෂණ බවත්වයි.