කොරෝනා වසංගත තත්ත්වයක් ඇතිවීම හේතුවෙන් ජාතික ක්‍රීඩා වැඩසහටහන් හා තරඟාවලි රැසක් නැවත වතාවක් අත්හිටුවීමට සිදුව තිබේ.
පසුගිය මාර්තු මාසයේ කොරෝනා හිස එසවීමත් සමඟ ක්‍රීඩා වැඩසටහන් සහ තරඟාවලි කල් දැමූ අතර පසුව ජූලි මාසයේ සිට යළි කොරෝනා තත්ත්වය පහව යාම හේතුවෙන් කල් දැමූ වැඩසටහන් හා තරඟාවලි යළි පැවැත්වීමට කටයුතු යෙදිණි.
ක්‍රීඩා අමාත්‍යාංශය නිවේදනය කළේ උද්ගතවී තිබෙන තත්ත්වය සැළකිල්ලට ගනිමින් සිය වැඩසටහන් කල් දැමීමට තීරණය කළ බවයි. ඒ අනුව හෙට (10) කතරගම දී ආරම්භවීමට නියමිතව තිබූ 46 වැනි ජාතික මහ ක්‍රීඩා උළෙලේ ඇවිදීම, මැරතන්, පාපැදි තරඟ දින නියමයක් නැතිව කල්දැමීමට ක්‍රීඩා අමාත්‍යාංශය තීරණය කළේය.
