කොරෝනා ආසාදනය වී මියගිය තවත් පුද්ගලයන් 06 දෙනකුගේ මරණ පිළිබඳ විස්තර සෞඛ්‍ය සේවා අධ්‍යක්ෂ ජනරාල්වරයා විසින් මාධ්‍යයට නිකුත් කර ඇත. ඒ අනුව මෙරට සිදුවූ කෙරෝනා මරණ සංඛ්‍යාව 270ක් දක්වා ඉහළ ගොස් තිබේ
එම මරණ පිළිබඳ විස්තර පහත දැක්වෙයි.
- කොළඹ 03 පදිංචි 63 හැවිරිදි කාන්තාවක් ඊයේ කොළඹ ජාතික රෝහලට ගෙන යන විට මියගොස් සිටියාය. ඇයගේ මරණයට හේතුව උග්‍ර දියවැඩියාව සමඟ ඇති වූ කොරෝනා නිව්මෝනියාවයි.
- කොළඹ 15 පදිංචි 80 හැවිරිදි පිරිමි පුද්ගලයෙක් ජනවාරි 15 කොළඹ ජාතික රෝහලට ඇතුළත් කරනවිටත් මියගොස් සිටි අතර මරණයට හේතුව කොරෝනා නිව්මෝනියාවයි.
- මෝදර පදිංචි 75 හැවිරිදි පිරිමි පුද්ගලයෙක් ජනවාරි 15 වැඩිහිටි නිවාසයක දී මියගොස් ඇත. මරණයට හේතුව කොරෝනා නිව්මෝනියාවයි
- දකුණු කළුතර පදිංචි 65 හැවිරිදි පිරිමි පුද්ගලයෙක් කළුතර මහ රෝහලට ඇතුළත් කරන විට ජනවාරි 14 වැනි දින මියගොස් ඇති අතර මරණයට හේතුව උග්‍ර කොරෝනා නිව්මෝනියාව සහ හෘද රෝගී තත්ත්වයත් දියවැඩියාවයි.
- දෙහිවල පදිංචි 63 හැවිරිදි පිරිමි පුද්ගලයෙක් මීගමුව රෝහලේ ප්‍රතිකාර ලබමින් සිට ඉරණවිල ප්‍රතිකාර මධයස්ථානයට යවා ඇත. එහි දී අද මියගියේය. මරණයට හේතුව නිව්මෝනියාවයි.
- රත්නපුර පදිංචි 65 හැවිරිදි පිරිමි පුද්ගලයෙක් හෝමාගම රෝහලේ දී අද මියගොස් ඇති අතර මරණයට හේතුව කොරෝනා නිව්මෝනියාවයි.
