ඇහැළියගොඩ තලාපිටිය ගමේ ඇති ජල මූලාශ්‍රවල ජලය වෙනත් ප්‍රදේශයකට ගෙන යාමට එරෙහිව ගම් වැසියන් විසින් විරෝධතාවක් දක්වමින් සිටිය දී එතැනට පැමිණි ජල සම්පාදන හා ජලාපවාහන අමාත්‍ය වාසුදේව නානානායක්කාරට විරෝධතාකරුවෝ නොනවත්වා හූ තබමින් විරෝධය පළ කළහ.
ගැමියන් පවසන්නේ තලාපිටිය ගමේ ජල මූලාශ්‍රවලින් ගමට ජලය ලබාදීම සම්බන්ධයෙන් වසර තුනක පමණ සිට සමීක්ෂණයක් කළ බවයි. නමුත් දැන් අනුමත වී ඇති ව්‍යාපෘතියෙන් ඇහැළියගොඩ ප්‍රදේශයට ජලය දීමට සැළසුම් කර ඇති බවත් තම ගමේ ජනතාවට ජලය නොදී වෙනත් ප්‍රදේශවලට ජලය ලබාදීමට විරුද්ධ බවත් ඔවුහු කියති.
ගැමියන් පවසන්නේ තම ගමේ සියලු දෙනාට ගමේ ජල මූලාශ්‍රවලින් ජලය ලබා දී අවසන් වූ පසු එම ජලය වෙනත් ප්‍රදේශවලට ගෙනයාමට ඉඩ දෙන බවයි. දේශපාලන අවශ්‍යතා පසෙක තබා ගමේ පදිංචිකරුවන්ට ජලය ලබා දෙන ලෙස ද ඔවුහු පවසති.
වීඩියෝ දර්ශන පහතින්
