ශ්‍රී ලංකාවෙන් වාර්තාවන කොරෝනා ආසාදිත මරණ සංඛ්‍යාවට තවත් මරණ 03ක් අද (06) එකතු වූ බවත් ඒ හේතුවෙන් සමස්ථ මරණ සංඛ්‍යාව 140ක් දක්වා ඉහළ ගොස් ඇති බවත් රජයේ ප්‍රවෘත්ති අධ්‍යක්ෂ ජනරාල්වරයාගේ අත්සනින් නිකුත් කළ මාධ්‍ය නිවේදනයක දැක්වේ.
අද (06) වාර්තා කර ඇති මරණ පිළිබඳ පහත දක්වා ඇත
- කෝට්ටේ පදිංචි 98 හැවිරිදි පිරිමි පුද්ගලයකු හෝමාගම මූලික රෝහලේ දී අද (06) මියගොස් ඇති. ඔහුගේ මරණයට හේතුව ලෙස දක්වා ඇත්තේ කොරෝනා නිව්මෝනියා තත්ත්වයකි.
- කහතුඩුව පදිංචි 80හැවිරිදි පිරිමි පුද්ගලයකු හෝමාගම රෝහලේ දී ඊයේ (05) මියගොස් ඇත. ඔහු කොරෝනා සමග ඇති වූ වකුගඩු අක්‍රියවීමක් හේතුවෙන් මියගොස් ඇතැයි සඳහන් කර ඇත.
- මග්ගොන ප්‍රදේශයේ පදිංචි 71 හැවිරිදි පිරිමි පුද්ගලයකු හෝමාගම රෝහලේ දැඩි සත්කාර ඒකකයේ ප්‍රතිකාර ලබමින් සිටිය දී ඊයේ (05) මියගොස් ඇති අතර කොරෝනා නිව්මෝනියාව මරණයට හේතුව ලෙස දක්වා ඇත.
