නව කැබිනට් අමාත්යවරු තිදෙනකු සහ නියෝජ්ය අමාත්යවරු 10 දෙනකු අද (10) ජනාධිපති කාර්යාලයේ දී ජනාධිපති අනුර කුමාර දිසානායක ඉදිරියේ දිවුරුම් දුන්හ.
ඒ අනුව අමාත්යවරු දෙදෙනකුගේ සහ නියෝජ්ය අමාත්යවරු කිහිප දෙනකුගේ විෂයයන් වෙනස් වී අතැ.
ප්රවාහන, මහාමාර්ග, වරාය සහ සිවිල් ගුවන් සේවා අමාත්ය ලෙස කටයුතු කළ බිමල් රත්නායකගෙන් වරාය හා සිවිල් ගුවන්සේවා ඉවත් කර ඇති අතර, ඒ වෙනුවට නාගරික සංවර්ධන අමාත්යාංශය එක්කර ඇත. ඒ අනුව බිමල් රත්නායක ප්රවාහන, මහාමාර්ග සහ නාගරික සංවර්ධන අමාත්යවරයා ලෙස අද දිවුරුම් දුන්නේය.
බිමල් රත්නායකගෙන් ඉවත්කළ වරාය සහ සිවිල් ගුවන්සේවා අමාත්යාංශය අනුර කරුණාතිලකට ලබා දී ඇත. මීට පෙර නාගරික සංවර්ධන, ඉදිකිරීම් සහ නිවාස අමාත්ය ලෙස කටයුතු කළ ඒ අරුණ කරුණාතිලක නව සංශෝධනය අනුව වරාය සහ සිවිල් ගුවන්සේවා අමාත්ය ලෙස කටයුතු කරයි.
අනුර කරුණාතිලකගෙන් ඉවත්කළ ඉදිකිරීම් සහ නිවාස අමාත්ය ධුරය, නියෝජ්ය අමාත්ය ලෙස කටයුතු කළ වෛද්ය එච්.එම්. සුසිල් රණසිංහට ලබා දී ඇත. මෙතෙක් ඉඩම් සහ වාරිමාර්ග නියෝජ්ය අමාත්යවරයාව සිටි සුසිල් රණසිංහ අද සිදුකළ අමාත්ය මණ්ඩල සංශෝධනයේ පටන් නිවාස, ඉදිකිරීම් සහ ජලසම්පාදන අමාත්යවරයා ලෙස කටයුතු කරයි.
මීට පෙර කිසිදු අමාත්ය ධුරයක් නොදැරූ ආචාර්ය කෞෂල්යා ආරියරත්න, දිනිඳු සමන් කුමාර, නිශාන්ත ජයවීර සහ එම්. එම්. අයි. අර්කම් යන අය නියෝජ්ය අමාත්යවරුන් ලෙස දිවුරුම් දුන්හ.
අද දිනයේ දිවුරුම් දුන් නව අමාත්යවරු පහතින් දැක්වේ.
01. බිමල් නිරෝෂන් රත්නායක – ප්රවාහන, මහාමාර්ග සහ නාගරික සංවර්ධන අමාත්ය
02. අනුර කරුණාතිලක – වරාය සහ සිවිල් ගුවන් සේවා අමාත්ය
02. වෛද්ය එච්.එම්. සුසිල් රණසිංහ – නිවාස, ඉදිකිරීම් සහ ජල සම්පාදන අමාත්ය
නියෝජ්ය අමාත්යවරු
01. ආචාර්ය අනිල් ජයන්ත ප්රනාන්දු – මුදල් සහ ක්රමසම්පාදන නියෝජ්ය අමාත්ය
02. ටී.බී. සරත් – නිවාස ඉදිකිරීම් සහ ජල සම්පාදන නියෝජ්ය අමාත්ය
03. එම්.එම්. මොහොමඩ් මුනීර් – ආගමික සහ සංස්කෘතික කටයුතු නියෝජ්ය අමාත්ය
04. එරංග ගුණසේකර – නාගරික සංවර්ධන නියෝජ්ය අමාත්ය
05. වෛද්ය මුදිත හංසක විජයමුණි – සෞඛ්ය නියෝජ්ය අමාත්ය
06. අරවින්ද සෙනරත් විතාරණ – ඉඩම් සහ වාරිමාර්ග නියෝජ්ය අමාත්ය
07. එච්.එම්. දිනිඳු සමන් කුමාර – තරුණ කටයුතු නියෝජ්ය අමාත්ය
08. යු.ඩී. නිශාන්ත ජයවීර – ආර්ථික සංවර්ධන නියෝජ්ය අමාත්ය
09. ආචාර්ය කෞෂල්යා ආරියරත්න – ජනමාධ්ය නියෝජ්ය අමාත්ය
10. එම්. එම්. අයි. අර්කම් – බලශක්ති නියෝජ්ය අමාත්ය
