හෘද රෝග හේතුවෙන් සිදුවන මරණවලින් 80%ක් ම වළක්වාගත හැකි ඒවා බව හෘද රෝග විශේෂඥ වෛධ්යවරුන්ගේ සංගමයේ සභාපති විශේෂඥ වෛද්ය සම්පත් විතානවසම් පවසයි.
ඔහු මේ බව කියා සිටියේ ලෝක හෘද දිනය වෙනුවෙන් කළෙඹ විහාරමහා දේවී උද්යානයේ පැවැති වැඩසටහනකට එක්වෙමිනි.
ලෝක හදවත් දිනයේ ප්රධාන අරමුණක් වන්නේ වළක්වාගත හැකි හදවත් මරණ වළක්වා ගැනීමට එක්ව කටයුතු කිරීමයි. එමෙන් ම සරල හා නිරෝගී දිවි පෙවතක් ගත කිරීම සඳහා හෘද රෝග අවම කර ගැනීමට කටයුතු කිරීමයි.
හෘද රෝග වළක්වා ගැනීමේ දී ව්යායාම, යහපත් ආහාර රටාව, දුම්පානයෙන් වැළකී සිටීම සහ ආතතිය ඇතිවන ක්රියාවන්ගෙන් වැළකීම මෙන්ම නිතිපතා කරන සෞඛ්ය පරීක්ෂාවන් ද වැදගත් වන බව වෛද්යවරයා වැඩිදුරටත් කීවේ ය.
එහිදී වැඩිදුරටත් අදහස් දැක්වූ විශේෂඥ වෛද්ය සම්පත් විතානවසම් මෙසේ ද කීවේය.
”හෘදයාබාධයක් හඳුනා ගන්නේ කෙසේ ද හෘදයාබාධයක ලක්ෂණ මොනවාද හෘදයාබාධයක් ඇති වූ විට අපි ක්රියාකළ යුත්තේ කෙසේ ද යන්න දැන ගැනීම සෞඛ්ය වෘත්තිකයින්ගේ පමණක් වගකීම නෙමේ. එය සියලු මහජනතාව දැනුවත් විය යුතු කරුණක්. ඔබ ඒ ගැන දැනුවත් වුවහොත් ඔබ ඉක්මනින් ප්රතිචාර දැක්වුවහොත් වෛද්යවරුන්ටත්, හෙද කාර්ය මණ්ඩලයටත් ඔබ වෙනුවෙන් කළ හැකි දේ බොහෝමයි. අපි අපේ හදවතට කළ යුතු යුතුකමක් තියෙනවා. එය ඉටු කිරීම ඔබේ වගකීමක්. ලෝක හදවත් දිනය යෙදී තියෙන්නේ සැප්තැම්බර් 29 වැනිදාට. ඊට සමගාමීව ශ්රී ලංකා හෘද රෝග විශේෂඥ වෛද්යවරුන්ගේ විද්යාතනය සංවිධානය කළා පා ගමනක් හා මිනිසුන් දැනුවත් කිරීමේ වැඩසටහනක්. මේ අවුරුද්දේ තේමාව වෙලා තියෙන්නේ සෑම හෘද ස්ඵන්දනයක් ම වැදගත්. කිසිම හෘද ස්ඵන්දනයකට අකාලේ මිය යන්න දෙන්න එපා කියන පණිවිඩය. මම හිතනවා මෙය හොඳ පූර්වාදර්ශයක් වේවී ශ්රී ලාංකිකයින් හැමදෙනාටම නිවැරදි හදවතක් සහිතව ඉතිරි ජීවිත කාලේ ජීවත් වෙන්නේ”
