පහරදීමකිත් තුවාල ලැබූ 65 හැවිරිදි කාන්තාවක් මුල්ලේරියාව රෝහලට ඇතුළත් කළ පසු මියගොස් ඇතැයි වැලිකඩ පොලිසිය පවසයි.
මෙලෙස මියගිය කාන්තාව ආයතනයක පිරිසිදු කරන්නියක ලෙස සේවය කළ තැනැත්තියකි.
එම කාන්තාව පදිංචි අංගොඩ නිවසේ දී ඊයේ (26) සවස ඇය ආයුධයකින් පහරකෑමට ලක්ව ඇති අතර බරපතල තුවාල සහිතව රෝහලගත කර තිබිණි. පොලිසිය සඳහන් කරන්නේ ඇයට පහරදුන් බවට සැකකරන පුද්ගලයා ද ඇය සමඟම එකම ආයතනයේ සේවය කරන අයකු බවයි. මේ වනවිට සැකකරු අත්අඩංගුවට ගෙන ඇත.
