විදේශගත වී සිටින ශ්රී ලාංකිකයන්ට මෙරට මැතිවරණවල දී සිය ඡන්දය පාවිච්චිකිරීමට හැකියාව ලැබෙන පරිදි නීති සකස් කිරීම සඳහා විශේෂ කමිටුවක් පත්කිරීමට අමාත්ය මණ්ඩල අනුමැතිය ලැබී තිබේ.
ඒ සඳහා අමාත්යාංශ කිහිපයක් නියෝජනය වන පරිදි කමිටුවක් පත්කෙරෙනු ඇත.
විදේශගත ශ්රී ලාංකිකයන්ට මෙරට මැතිවරණවල දී ඡන්දය ප්රකාශ කිරීමට මෙතෙක් ක්රමවේදයක් සකස්කර නැතත් ඉන්දියාව, බංග්ලාදේශය, පිලිපීනය වැනි රටවල් රැසක විදේශගත පුරවැසියන්ට ඡන්දය භාවිතා කිිරීමට හැකියාව ඇති ක්රම සකස් වී තිබීම ගැන ද අවධානය යොමුව තිබේ.
ඒ සඳහා අවශ්ය නව නීති සකස් කිරීමට අදාළ කරුණු අධ්යයනය කිරීම පිණිස මැතිවරණ කොමිෂන් සභාව, විදේශ කටයුතු අමාත්යාංශය, විදේශ රැකියා සහ සංචාරක අමාත්යාංශය, රාජ්ය පරිපාලන පළාත් සභා සහ පළාත් පාලන අමාත්යාංශය සහ අනෙකුත් අදාළ අමාත්යාංවල සහ ආයතනවල නිලධාරින්ගෙන් සමන්විත කමිටුවක් පත් කිරීම සඳහා රාජ්ය පරිපාලන, පළාත් සභා හා පළාත් පාලන අමාත්යවරයා ඉදිරිපත් කළ යෝජනාවට අමාත්ය මණ්ඩල එකඟත්වය හිමිව තිබේ.
